Änşı Äbdıjappar Älqoja da qamauǧa alyndy

Qazaqstanda taǧy bır tanymal änşı qamauǧa alyndy, - dep habarlaidy “Adyrna” ūlttyq portaly. Jelıde qazaqstandyq änşı Äbdıjappar Älqojanyŋ Qonaevta polisiia qyzmetkerlerıne baǧynbaǧany üşın ūstalǧany turaly aqparat paida boldy. Almaty oblysynyŋ polisiia departamentı tolyq mälımet berdı. Oqiǧa 6 şılde künı boldy. Polisiia qyzmetkerlerı Toyota Camry kölıgın toqtatqan. Tekseru barysynda atalǧan kölıktıŋ jürgızuşısı kölık qūralyn basqaru qūqyǧynsyz rölde otyrǧanyn anyqtady. Äbdıjappar Älqojanyŋ özı basqa KIA Carnival kölıgınde jolauşy retınde otyrǧan. Ol sol sätte tärtıp saqşylaryna qysym körsetıp, qūqyq būzuşyny tırkeuge kedergı keltıre bastaǧany aitylǧan. Sonymen qatar, poliseilerdıŋ aituynşa, änşı mas bolǧan. «Alaida, kölık aiyppūl tūraǧyna jetkızılgen kezde jolauşysy azamat M. polisiia qyzmetkerlerıne zaŋsyz qysym körsetıp, qūqyq būzuşyny tırkeuge kedergı jasai bastaǧan. Qūqyq būzuşy polisiia qyzmetkerlerıne baǧynbaǧandyqtan medisinalyq tekseruge jıberıldı, onyŋ qorytyndysy boiynşa «ortaşa» alkogoldık mas küiı anyqtaldy», - dep habarlady Almaty oblysynyŋ polisiia departamentı. Nätijesınde, kölık qūralyn basqaru qūqyǧynan aiyrylǧan küide basqarǧany üşın «Toiota Kamri» kölıgınıŋ jürgızuşısı 10 täulıkke äkımşılık qamaqqa alyndy. Sot şeşımımen KIA Carnival jolauşysy, änşı Äbdıjappar Älqoja da tärtıp saqşysynyŋ zaŋdy talaptaryna baǧynbaǧany üşın 10 täulıkke qamauǧa alyndy.