«İerusalimdegı qasiettı qabırge baryp baqytty ete kör dep sūradym, atqa mınıp, qorqynyşymdy jeŋıp, 25 metr biıktıkten sarqyramaǧa sekırdım», - deidı Baqyt Syzdyqova.
Belgılı Deputat Baqyt Syzdyqova ömırdıŋ mänı turaly äleumettık jelıdegı paraqşasynda jazdy. Ol ömırde barlyq närsenı jasap körgenımen, ömırdıŋ mänın tüsınbegenın jetkızgen. Şaman otynan sekırıp, qabırge baryp siynyp, baqyt ızdegenın jasyrmady ol. Osylaişa, deputat ömırınıŋ keibır şaqtaryn esıne alǧan, dep habarlaidy Stan.kz.
«Ömırdıŋ mänı nede? Men ömırdıŋ mänın ūzaq uaqyt boiy ızdedım. Kıtaptar oqydym, türlı dästürlerdı zerttedım, Ündıstanǧa bardym, Aşramdarǧa bardym, Goanyŋ altyn qūmdarynda ioga jattyǧularyn jasadym, qiyn joryqtarǧa bardym jäne biık taularda mınajat ettım, şaman otynan sekırdım. İerusalimdegı qasiettı qabırge baryp baqytty ete kör dep sūradym, atqa mınıp, qorqynyşymdy jeŋıp, 25 metr biıktıkten sarqyramaǧa sekırdım», - deidı Baqyt Syzdyqova.
Ömırınde jaqsylyq pen jamandyqty qatar alyp kele jatqan ol qandai qiyndyq bolsa da, qandai närse jasap körse de toqtamaǧanyn aitady. Qoǧamdyq, saiasi, äleumettık ömırge belsene aralasqanyn jetkızdı ol.
«Aryqtadym, toldym, vegetarian boldym. Tıptı köp aqşa tauyp, qaryzǧa da battym. Sailauda jeŋıp şyǧyp, zaŋdar men memlekettık baǧdarlamalardyŋ negızın qalyptastyrdym. Bala qūqyqtaryn qorǧap, ūiym qūryp, partiianyŋ qūrlysymen ainalysyp ta ülgerdım», - deidı Baqyt Syzdyqova.
Alaida deputat ömırdıŋ mänın taba almai jürgenın aitty. Sonymen qatar, Baqyt Syzdyqova osy sūraqtyŋ jiı mazalaitynyn aşyq aityp, oqyrmandarymen bailanys ornatqan.
«Qaiyrymdylyq jūmystaryn da jasap, KVN sahnasyn da baǧyndyrdym. Teledidar men ekrandy baǧyndyrdym. Mekkedegı Qasiettı Qaǧbaǧa baryp, Medinadaǧy paiǧambardyŋ qabırınde dūǧa oqydym, adamdarǧa kömektestım jäne olar maǧan kömektestı, şabyttandyrdy. Bıraq ünemı özıme sūraq qoiatynmyn. «Ömırdıŋ mänı nede?» degen saual sanamda jüretın. Köp närsenı körsem de, jauabyn tappadym. Al sız ömırıŋızdıŋ mänın taptyŋyz ba?», - deidı deputat.
"Adyrna" ūlttyq portaly
