Būlar Jəkışevtı ne üşın qamady? Būlardyŋ Jəkışevtei daryny, oi örısı, intellektualdyq deŋgeiı, örkeniettı sanasy, əlemdı moiyndata alǧan ǧylymi, önertabystaǧy aduyndy qabıletı bolǧanynan öle ölgenşe qoryqty. Eldı soŋynan jetektep ketetının ölgenşe qyzǧandy. Būlardyŋ tabiǧatynda Jəkışevtegıdei tazalyq pen tektılık, mınez ben qabılet, örkeniettı sana bolmaǧannan soŋ, onyŋ ūltyna adal bolmysynan seskendı. Būlarda kerısınşe, mysyq tıleu men şoşqa peiıl ǧana boldy. Sondyqtan olar tazalyq degenge jaratylysynan qarsy tuǧan pendeşıkter. Olardyŋ bolmysynda tek qana asqazanyma tyǧa bersem degen şoşqanyŋkıdei sasyq ruh mekendep jatty. Sol üşın özderınıŋ aram jolyn kesetın ədılettı azamatty qan qūstyrdy. Jəkışevtei ūly bar ūlttyŋ ösıp ketetınıne olar müddelı bolmady. Qazaqty öspesın, bailyǧyna ie bolyp qalmasyn dedı. Rasynda qazaq bailyǧyna ie bola almady. Bərın jymqyrdy. Jəkışevtı saiasi sauaty aşylmaǧan būqaraǧa 99 milliondy jymqyrdy dep sendırdı. Közı jetpegen qazaq jemqordyŋ közın qūrtty, būǧan da şükır dep qūdaidai sendı. Jəkışevtı sondyqtan qazaq bosata almady. Asyldai ūlyna qorǧan bola almaǧan qazaq kınəlı. Qazaqtyŋ özı kınəlı. Būlar tıptı Jəkışevtıŋ türmede otyryp aitqanynan da şoşyp, üreilenıp otyr. Ruhy synbaityny, ədılettı talap etuden qaitpaityny būlardy qatty oilandyryp otyr. Bərıbır şyndyq moiyndaryn kesıp tüsetının bılıp otyr.
Türmede qor bolǧan qairan ömır...
Qazaqtyŋ naǧyz tehnokrat, ǧylym men joǧary intellektınıŋ iesı, örkenietke tötesınen jol salatyn ūlyn qorǧai almai otyrǧany ökınıştı...
Bekbolat QARJAN
