Qaraǧandy oblysynyŋ mädeniet, arhivter jäne qūjattama basqarmasynyŋ basşysy Erkebūlan Jūmakenov "ArtSport"jobasyn qarjylandyru turaly jaǧdaidy tüsındırdı.
Baǧdarlamanyŋ maqsaty – 4 jastan 18 jasqa deiıngı balalardy üiırmeler men seksiialarda tegın bılımmen qamtu. Eger 2021 jyly şyǧarmaşylyq memlekettık tapsyrysqa 200 mln teŋgeden astam qarjy bölınse, qazırgı qarjylandyru 1,3 mlrd teŋgeden asady.
Baǧdarlamaǧa sūranys artyp keledı, sondyqtan biyl bastapqy qarastyrylǧan somaǧa qosymşa qarajat bölındı. Būl jyl soŋyna deiın 6720 vaucherdı qamtamasyz etuge mümkındık beredı. Būl turaly şyǧarmaşylyq studiia basşylarymen kezdesude habarlandy.
– Bız "ArtSport" baǧdarlamasynyŋ qatysuşylarynyŋ uaiymyn tüsınemız, bıraq bırneşe ret aitylǧandai: şyǧarmaşylyq memlekettık tapsyrysqa qosymşa soma bölındı, sonyŋ arqasynda bala sany 800 adamǧa artty. Baǧdarlamaǧa sūranysty eskere otyryp, kelesı jyly biudjet mümkındıkterıne bailanysty qarjylandyru mäselesı qaralatyn bolady, – dep tüsındırdı Erkebūlan Jūmakenov.
Qaraǧandy oblysynda balalar "ArtSport"baǧdarlamasy boiynşa şyǧarmaşylyqpen jäne sportpen tegın ainalysyp jatyr. 2021 jyly ıske qosylǧannan berı oǧan bölıngen qarjy jyl saiyn ösıp keledı. Biyl 3,6 mlrd teŋge bölındı.
Oblysta memlekettık sporttyq tapsyrys sany ta köbeidı. Biyl būl baǧytqa 2,3 mlrd teŋgenı bölıngen. Qazır 61 qyzmet körsetuşı bar, sporttyŋ 23 türı boiynşa 206 seksiia jūmys ısteidı. Qamtylǧan 10,6 myŋnan astam balanyŋ bır jarym myŋǧa juyǧy auyldyq eldı mekennen.
