Būl toi änşısıne 2019 jyly “ǧaiyptan” Şymkenttıŋ qūrmettı azamaty degen ataq berıldı. Kımnıŋ yqpalymen berılgenı belgılı ǧoi. Ony ūsynǧan adamnyŋ köŋılın qimai sol kezdegı mäslihat deputattary qoldap bekıtıp berdı.
Negızı būl ataqqa ūsynylatyn ümıtkerlerdı belgılı bır kriteriialar arqyly ırıkteledı. Ärı öz talaptary bar. Būl änşını qandai “eren eŋbegı” üşın berılgenı maǧan jūmbaq. Änşılıgı üşın deiın deseŋ, eşqandai halyqaralyq jülde almaǧan “fonogramşik”. Qaiyrymdylyq jasaumen aty şyqpaǧan. Naqty qalamyz ben halqymyzǧa tigızgen eşqandai paidasy joq. Qalamyzdy damytuǧa qosqan ülesı bolsa bır särı tym qūryǧanda. Ondai paidasy tidı dep te aita almaimaimyn.
Sonda būl toidyŋ änşısıne bai-şonjarlardyŋ toiynda än salǧany üşın berıldı me?! Toiǧa şyqsa, aqşaǧa şyqty. Älde qala men mektepterde tegın konsertter berdı me?! Ne üşın berıldı būǧan sonda?! Älde jastarǧa ülgı dep berdı me? Ülgı dep bergen bolsa, ol ülgı bolyp jür me qazır?
Olai bolsa qazır ülgı emes dep aityp, būl ataǧyn kerı qaitaru kerek. Oǧan qazırgı mäslihattyŋ tolyq qūzıretı bar. Kezınde ketken qatelıktı tüzetetın uaqyt keldı.
Būlardıkı rahat eken. Būzaqylyq jasap ana jaqqa “kırıp-şyǧyp”, onysynan ūialmastan yrjalaq-yrjalaq etıp, äzılın aityp, änın şyrqap jüre beretın.
Negızı būl ataqtyŋ qūny öte joǧary. Oǧan öz salasynyŋ eŋ laiyqtysy, qalaǧa äbden eŋbegı sıŋgen dep qoǧamda moiyndalǧan azamattarǧa ǧana būiyrady. Al mynandailarǧa beru arqyly bız būl abyroily ataqtyŋ qūnyn qoldan tüsırıp jatyrmyz. Al būl ataqtyŋ abyroiyn asqaqtatuymyz üşın osyndailardan qaitadan kerı qaitaruymyz kerek. Būl ataqtyŋ abyroiyn osylai ǧana köteremız.
Ärı kelesı joly ümıtkerlerdı ırıkterde oilanatyn bolamyz. Būl sabaq bolady.
Būl barlyq oblys, qala, audandarǧa tiesılı ortaq mäsele. Tübındegı oiy ortaq. Qairat jai ǧana tılge tiek, mysal ǧana!
