Bügın QR Mädeniet jäne aqparat ministrı Aida Balaeva Euronews direktorlar keŋesınıŋ töraǧasy Pedro Vargas Davidpen kezdestı. Kezdesu barysynda taraptar Qazaqstannyŋ Euronews-pen yntymaqtastyǧy turaly memorandumǧa qol qoidy.
«Euronews öŋırlık ökıldıgınıŋ aşyluy – arnanyŋ halyqaralyq auditoriiaǧa Qazaqstannyŋ ekonomikalyq, saiasi, äleumettık jäne mädeni damuyn jan-jaqty nasihattauyna ülken mümkındık beredı», - dep atap öttı ministr.
Euronews öŋırlık ökıldıgınıŋ aşyluy qazaqstandyq jurnalisterge köp mümkındık syilaidy. Kezdesu barysynda otandyq telearna qyzmetkerlerınıŋ bılıktılıgın arttyruǧa arnalǧan oqytu treningterı men şeberlık synyptaryn ötkızu mäselesı talqylandy. Būl qazaqstandyq BAQ ökılderınıŋ käsıbi bılıktılıgın arttyruǧa septıgın tigızedı.
«Talqylau ärı memorandumǧa qol qoiu qysqa uaqytta jasaldy, būl ekı taraptyŋ da jemıstı yntymaqtastyqqa müddelı ekendıgın jäne onyŋ maŋyzyn aiqyndaidy. Bız üşın qazaqstandyq jurnalisterdı jan-jaqty qoldau maŋyzdy. Bız ortaq jūmys üşın europalyq jurnalisterdı Qazaqstanǧa äkelıp qana qoimai, qazaqstandyq BAQ arasynda jaŋa tūlǧalardy, talantty jastardy ızdeitın bolamyz», – dedı Pedro Vargas David.
Mädeniet jäne aqparat ministrı Qazaqstanda käsıbi ärı myqty redaksiia qūru üşın barlyq mümkındıkter bar ekenın söz ettı.
«Bügın tarihi kün. Qazaqstanda Euronews keŋsesınıŋ aşyluy el üşın maŋyzdy kezeŋderdıŋ bırı. Qazaqstannyŋ halyqaralyq arenadaǧy media keŋıstıkte öz orynyn tabuǧa kömektesetın maŋyzdy jobanyŋ bır bölıgı bolu – bız üşın ülken märtebe», - dep atap öttı Qazaqstandaǧy Euronews jobasynyŋ resmi ökılı Äsel Qojaqova.
Būdan ärı taraptar mediany damytuǧa jäne halyqaralyq aqparat almasudy nyǧaituǧa baǧyttalǧan bırlesken jobalar men bastamalardy jüzege asyryp, özara yntymaqtastyq ornatuǧa müddelı ekenın jetkızdı.
Mädeniet jäne aqparat ministrı Qazaqstanda käsıbi ärı myqty redaksiia qūru üşın barlyq mümkındıkter bar ekenın söz ettı.
«Bügın tarihi kün. Qazaqstanda Euronews keŋsesınıŋ aşyluy el üşın maŋyzdy kezeŋderdıŋ bırı. Qazaqstannyŋ halyqaralyq arenadaǧy media keŋıstıkte öz orynyn tabuǧa kömektesetın maŋyzdy jobanyŋ bır bölıgı bolu – bız üşın ülken märtebe», - dep atap öttı Qazaqstandaǧy Euronews jobasynyŋ resmi ökılı Äsel Qojaqova.
Būdan ärı taraptar mediany damytuǧa jäne halyqaralyq aqparat almasudy nyǧaituǧa baǧyttalǧan bırlesken jobalar men bastamalardy jüzege asyryp, özara yntymaqtastyq ornatuǧa müddelı ekenın jetkızdı.
QR Mädeniet jäne aqparat ministrlıgınıŋ baspasöz qyzmetı
