Ūsaq būzaqylyq jasaǧany üşın 15 täulıkke qamauǧa alynǧan qazaqstandyq änşı Qairat Nūrtas bostandyqqa şyqty, - dep habarlaidy “Adyrna” ūlttyq portaly Otyrar Telegram arnasyna sılteme jasap.
Videodan baiqaǧanymyzdai, öner iesın ata-anasy, dostary, tıptı janküierlerı qarsy alǧan.
«Uaiymdaǧan barşa jandarǧa raqmet», - dedı Qairat Nūrtas.
Onyŋ anasy Gülzira Aidarbekova sūhbatynda mūndai jaǧdaidy eşkımnıŋ basyna bermesın dep, barlyǧyna qoldau körsetkenı üşın alǧysyn bıldırdı.
Esterıŋızge sala keteiık, 5 şılde künı Qairat Nūrtas ūşaqta töbeles şyǧarǧany üşın ūstalyp, ūsaq būzaqylyq jäne densaulyqqa qasaqana jeŋıl ziian keltıru faktılerı boiynşa äkımşılık ıs qozǧaldy. Oqiǧa Almaty – Astana baǧytynda kele jatqan ūşaqtyŋ bortynda bolǧan.
Astana qalasynyŋ äkımşılık qūqyq būzuşylyq ısterı jönındegı mamandandyrylǧan audanaralyq sotynyŋ qaulysymen Qairat Nūrtas 15 täulıkke äkımşılık qamaqqa alynǧan edı.
Ūqsas jaŋalyqtar
