Erlan Qarin: «Memlekettık qyzmetkerlerdıŋ jūmysyna laiyqty baǧa berıp, olardy da därıpteitın kez keldı»

Memlekettık keŋesşı Erlan Qarin Nartai Aralbaiūlynyŋ Youtube kanalyna bergen sūhbatynda «Ädılettı Qazaqstandy» qūrudy qamtamasyz etudegı öŋırlerdegı memlekettık qyzmetkerlerdıŋ eŋbegıne joǧary baǧa berdı.  «Bız jürgızıp jatqan memlekettık saiasattyŋ negızgı mındetı – Ädılettı Qazaqstandy qūru. Azamattarymyzdy şeşım qabyldau prosesıne meilınşe keŋınen tartu maqsatynda saiasi reformalar jariialanyp,  jüzege asyp jatyr. Auyl äkımderı sailanyp jatyr, audan äkımderı sailana bastady, bır mandatty sailau jüiesı engızıldı. Būl mümkındıgınşe azamattarǧa saiasatqa qoǧamdyq prosesterge keŋınen aralasuǧa mümkındık berdı. Bır sözben aitqanda būl reformalar qarapaiym azamattardyŋ saiasi belsendılıgın arttyrdy. Alaida, mūnyŋ yŋǧaisyz jaǧy da bar. Bilıkke jappai talap qoiyp şyǧatyn azamattardyŋ arasynda jergılıktı jerlerdegı memlekettık qyzmetkerlerdıŋ jeke basyna tiıp, būiryqtar berıp, dörekı söileitınder de joq emes» dedı Memlekettık keŋesşı.   Ökınışke orai, bügıngı qoǧamda memlekettık qyzmetkerlerge qatysty bırjaqty, ädıletsız pıkır qalyptasyp qalǧanyn, sonyŋ äserımen köp jaǧdaida orynsyz kınälaular jiı körınıs beretının atap öttı.   «Keşegı su tasqyny kezınde kün demei, tün demei el azamattarymen bırge su bögetterın ornatyp, qūm tasyp, kürek ūstap jürgen auyl, audan äkımdıgı apparatynyŋ qarapaiym qyzmetkerlerı. Olardyŋ da otbasylary bar, üiınde kütıp otyrǧan balalary bar. Kündız äkımdıktıŋ jūmysymen, keşke evakuasiialyq punkte, böget jūmystarynyŋ basy-qasynda jürdı. Jaǧdai rettelgenşe üilerıne aptalap barmai jürgen qyzmetkerler boldy. Bız qazır sala ökılderın qūrmettep, eŋbekterın därıptep jatamyz. Menıŋ oiymşa, qarapaiym memlekettık qyzmetkerlerdıŋ de jūmysy laiyqty baǧalanuy kerek dep oilaimyn» dedı Memlekettık keŋesşı.