Bügın Şymkent qalasynda «Taza Qazaqstan» respublikalyq ekologiialyq aksiiasy jalǧasuda. Osy oraida Qaratau audanyndaǧy Nūrtas şaǧyn audanynda «Taza aula» aksiiasy öttı.
Mūndai ızgı şara - qalanyŋ barlyq audandarynda jappai ötkızılude jäne qoqystardy jinau, tazalyqty saqtau, jalpy qorşaǧan ortaǧa ūqypty qarau qūndylyqtary men mädenietın qalyptastyruǧa yqpal etedı. Tazalyq şarasyna audan tūrǧyndary, belsendı jastar men «Jasyl el» jasaqtarynyŋ müşelerı qatysyp, özderınıŋ aulalary men ırgeles aumaqtardy retke keltıru jūmystaryn jürgızdı. Sondai-aq, ıs-şarada aulalardy tazalau, qoqystar şyǧaru, quraǧan aǧaştardy kesu, qorşaular men oryndyqtardy syrlau jūmystary jürgızıldı. «Bügın Prezidentımızdıŋ tapsyrmasy aiasynda «Taza Qazaqstan» ekologiialyq respublikalyq aksiiasy qazır barlyq eldı mekenderde qoldau tauyp otyr. Öitkenı tazalyq bırınşı - densaulyq, ekınşı - mädeniet. Eldıŋ azamattary özınıŋ ortasynyŋ tabiǧatyn tazalaǧyn saqtap otyru ülken äleumettık maŋyzǧa ie dep oilaimyn. Tazalyq - ärbır üidıŋ özınen bastalady», – dep atap öttı Eŋbekşı audandyq ardagerler keŋesı töraǧasynyŋ orynbasary Perdeş Esenbek. Eske sala keteiık, «Taza Qazaqstan» respublikalyq aksiiasy Memleket basşysynyŋ tapsyrmasy boiynşa eldı mekenderdıŋ aumaqtaryn abattandyru jäne kögaldandyruǧa, qorşaǧan ortaǧa ūqypty qarau qūndylyqtaryn qalyptastyruǧa, halyq arasynda joǧary azamattyq jauapkerşılık pen ekologiialyq mädeniettı tärbieleuge baǧyttalǧan.
