Mäjılıs spikerı, «AMANAT» partiiasynyŋ Töraǧasy Erlan Qoşanov «Jastar Ruhy» jastar qanaty ūiymdastyrǧan Astanadaǧy bos jūmys oryndary järmeŋkesıne qatysty. Is-şarada Eŋbek jäne halyqty äleumettık qorǧau ministrı Svetlana Jaqypova jäne Astana qalasynyŋ basşylyǧy boldy.
Bügın bos oryndar järmeŋkesı elorda ortalyǧyndaǧy Nūrjol bulvarynda aşyq aspan astynda öttı. Būl – astananyŋ jüregı sanalatyn jastar jinalatyn körnektı oryn. Järmeŋkede memlekettık organdar, kvazimemlekettık sektor jäne jeke kompaniialar arasynan 100-ge juyq jūmys beruşı 2 myŋǧa juyq bos jūmys ornyn ūsyndy. Olardyŋ ışınde: Qazatomönerkäsıp, Halyk bank, Qazpoşta, Samruk-Kazyna Construction, «Habar» agenttıgı, Qazaqtelekom, Qazaq air jäne basqa da ūiymdar bar. Is-şaraǧa 3000-ǧa juyq adam qatysty.
Mäjılıs Spikerı, «AMANAT» partiiasynyŋ Töraǧasy Erlan Qoşanov jastarmen jäne jūmys beruşı ūiym ökılderımen äŋgımelestı. Partiia Töraǧasy Memleket basşysy özınıŋ sailaualdy baǧdarlamasynda 2029 jylǧa deiın kemınde 2,3 mln jasty jūmysqa ornalastyru mındetın qoiǧanyn atap öttı.«Prezident Qasym-Jomart Toqaev eŋbek adamynyŋ elımızdegı alar ornyn eskere otyryp, olarǧa erekşe qūrmet körsetılu keregın atap öttı. Kolledjder men joǧary oqu oryndaryn keşe ǧana tämamdaǧan eŋbek ötılı men täjıribesı joq jastar üşın jaŋa jūmysqa ornalasu oŋai emes. Memlekettıŋ, qoǧamnyŋ, biznestıŋ mındetı – būl prosestı jeŋıldetu, jas mamandardy jūmysqa ornalastyruǧa järdemdesu. Osylaişa, ärbır tülek eŋbek naryǧynda öz ornyn tauyp, eldıŋ damuyna meilınşe tez üles qosa bastaidy. «Jastarǧa jūmys» partiialyq jobasy aiasynda ūiymdastyrylǧan bos jūmys oryndary järmeŋkesı de soǧan baǧyttalǧan. Ekı jyl qatarynan barlyq öŋırde ötkızılıp jatqan joba öz tiımdılıgın körsetude», - dedı ol.
Järmeŋke aiasynda Eŋbek ministrlıgınıŋ ökılderı keluşılerge «Enbek.kz» elektrondyq eŋbek birjasynyŋ mümkındıkterın körnekı mysalmen körsettı. «Samūryq-Qazyna» AQ ökılderı bos lauazymdarǧa kandidattardy ırıkteudıŋ aşyqtyǧyn arttyrudaǧy sifrlandyrudyŋ rölı turaly, Astana äkımdıgınıŋ ökılderı NEET sanatyndaǧy jastardy jūmyspen qamtuǧa järdemdesu jönındegı «Joltap» jobasyn, al elordalyq eŋbek ortalyǧynyŋ qyzmetkerlerı tülekterge arnalǧan «Alǧaşqy jūmys orny» jäne «Jastar praktikasy» jobalary turaly habardar etıldı.
«Jastar Ruhy»-nyŋ ūiymdastyruymen ötıp jatqan bos jūmys oryndary järmeŋkesı elordada ǧana emes, elımızdıŋ barlyq oblys ortalyqtarynda ötude. Oǧan kem degende 50 myŋ jas qazaqstandyq qatysady dep josparlanuda. Järmeŋkeler bır tereze qaǧidaty boiynşa jūmys ısteidı. Onda jūmys ızdeuşı bos jūmys oryndary turaly bılıp qana qoimai, egjei-tegjeilı mälımetter de ala alady. Järmeŋkede jūmysqa ornalasudan basqa, jastardy äleumettık qoldaudyŋ barlyq memlekettık baǧdarlamasy boiynşa keŋes aluǧa bolady. Atap aitqanda, baspana nemese em aludan bastap, biznes aşu jäne ony meŋgeruge deiın aqparat bar.
«Jastarǧa jūmys» jobasy 2023 jyldyŋ qaŋtar aiynda bastau aldy. Osy uaqyt ışınde Qazaqstan boiynşa ekı jüzden astam bos jūmys oryndary järmeŋkesı öttı. Oǧan 160 myŋnan astam adam qatysyp, 30 myŋ jas jūmysqa ornalasuǧa joldama aldy. Al 30 myŋǧa juyq jas maman käsıpkerlıktı damytu üşın 2,5% jeŋıldıkpen nesieleu boiynşa keŋes aldy.
Suret: Talǧat Tanymbaev, Asylhan Seidahmet
