Taraz qalasy äkımdıgınıŋ qarjy bölımınıŋ lauazymdy tūlǧalaryna qatysty bırqatar zaŋbūzuşylyq boiynşa sotqa deiıngı tergep-tekseru bastaldy. Būl turaly bügın, 30 şıldede Qarjylyq monitoring agenttıgı aitty, dep habarlaidy «Adyrna» tılşısı.
«Qala äkımşılıgınıŋ qyzmetkerlerı memleket kırısıne tüsken tauarlyq-materialdyq qūndylyqtardyŋ esepke alynbauyn paidalana otyryp, resmi qūjattardy qoldan jasau jolymen sot ükımderı boiynşa tärkılengen kommersiialyq jyljymaityn mülık pen halyq tūtynatyn tauarlardy mekemenıŋ balansynan zaŋsyz şyǧaryp alǧan. Atalǧan azamattardyŋ zaŋsyz äreketterınen keltırılgen zalal somasy 100 mln teŋgeden asady»,—delıngen habarlamada.
Qazırgı taŋda tiıstı saraptamalar jürgızılıp jatyr.
