«Terrorizmdı nasihattady». Belsendıler tanymal äzılkeştıŋ üstınen şaǧymdandy

1793
Adyrna.kz Telegram
https://adyrna.kz/content/uploads/2024/07/img_7606.jpeg

Bır top belsendı «Qazaq batyrlary dın üşın soǧysty» dep mälımdeme jasaǧan tanymal äzılkeş Ǧalymjan Qūrmanbektıŋ pıkırıne zaŋdyq tūrǧyda baǧa berudı sūrap, prezidentke ündeu jasady. Būl turaly Democrat.kz jazdy, dep habarlaidy «Adyrna» tılşısı.

«Prezident Qasym-Jomart Kemelūly Toqaevqa! Bas prokuror Asylov Berık Noǧaiūlyna! Ūlttyq qauıpsızdık komitetınıtöraǧasy Saǧymbaev Ermek Aldabergenūlyna!  

Qazaqstan azamaty Ǧalymjan Qūrmanbek Nūr-Mübarak universitetınde ötken bır ıs-şarada «Qarasai, Qabanbai, Bögenbai batyrlarymyz jer üşın emes, dın üşın soǧysty» dep tarihty būrmalap, Qazaqstanda tyiym salynǧan Äl-Qaǧida, İGİL, Taliban jäne taǧy da basqa ekstremistık toptardyŋ ritorikasyn dälme-däl qaitalady.

Tarih boiynşa qazaqtyŋ barlyq batyry ärqaşan jerı men Otanyn qorǧau jolynda qanyn tökkenın joqqa şyǧaratyn Ǧalymjan Qūrmanbektıŋ aşyqtan aşyq terrorizmdı köpe-körıneu būlai jariia formada nasihattauy tūtas qazaq ūltynyŋ renışın tudyrdy.

Onyŋ būl sözı  Qylmystyq kodekstıŋ 256 baby, iaǧni terrorizmdı aşyq nasihattau nemese terrorizm aktısın jasauǧa jariia türde şaqyru bolyp sanalady. Atap aitqanda, Ǧalymjan Qūrmanbek  «batyrlarymyz dın üşın soǧysty» dei otyryp, jastardy dın üşın soǧysqa aşyq ündep otyr. Mūnan bölek, onyŋ būl sözderı — qazaq tarihyn, qazaq ūltyn qorlau. Mörı basylǧan, dälel-derekterı bar şynaiy tarihymyzdyŋ batyr tūlǧalaryn «dın üşın soǧysty» deu — jalǧan aqparat. Jastardyŋ sanasyna mūndai jalǧan aqparatty qūiyp, «dın üşın» soǧysqa ündeu Ata zaŋymyzdaǧy terrorizm babyna säikes keledı.

Atalǧan mäsele boiynşa tez arada qūqyqtyq baǧa berıp, Ǧalymjan Qūrmanbektı zaŋ aldynda jauapqa tartudy sūraimyz. Qazaqstan — zaiyrly memleket. Qazaqstan — atadan-balaǧa miras bolǧan tarihy bar täuelsız, qūqyqtyq memleket. Qazaqstannyŋ batyrlaryna tıl tigızuge, elımızdıŋ tarihyn būrmalap, jalǧan aqparat taratuǧa eşkımnıŋ de qaqysy joq. Qazaqtyŋ tarihyn būrmalau — qazaq ūltyna jasalǧan qastandyq dep bılemız. Qūrmetpen qoǧam belsendısı Mūqyşeva Nūrgül Tazabekqyzy jäne bır top Qazaqstan azamattary»,—delıngen ündeude.

Eske salaiyq, būǧan deiın Ǧalymjan Qūrmanbek imansyz ūrpaqqa jerdıŋ kerek emes ekenın aitqan edı.

Pıkırler