Memleket basşysy su tasqynynan zardap şekken tūrǧyndarǧa tiıstı kömek körsetudı tapsyrǧan bolatyn.Osy oraida köktemgı su tasqyny saldarynan Börlı audany boiynşa barlyǧy – 126 üi apatty dep tanyldy.Sonyŋ ışınde 66 tūrǧyn üi ielerı üşın päterler satyp alynyp, qalǧan 60 üi ielerı üşın tūrǧyn üi qūrylystary jürgızıldı.
Nätijesınde Aqsu auylynda – 23, Keŋtübek auylynda – 11, Pugachev auylynda – 12, Araltal auylynda – 14 tūrǧyn üidıŋ qūrylysy üstımızdegı jyldyŋ 22 mamyr künı bastalyp, josparǧa säikes 1 tamyzǧa deiın aiaqtaldy.
«Memleket basşysy Qasym-Jomart Kemelūly Toqaevtyŋ tapsyrmasyna säikes su tasqynynan zardap şekken tūrǧyndarǧa zaŋ aiasynda tiıstı kömekter körsetılude. Bügınde tūrǧyndarǧa 100 AEK bırjolǧy äleumettık kömek jäne dünie-mülıkterı üşın 150 AEK tölemderı tolyǧymen öteldı. Sonymen qatar su tasqyny zardabyn tigızgen üilerdıŋ 90 paiyzynan astamyna tūrǧyn üiın jöndeuge jäne qalpyna keltıruge ötemaqy berıldı. Keşe ǧana üilerınen aiyrylyp, qapyda qalǧan tūrǧyndar bügın jaŋa baspanaǧa ie bolyp jatyr. Qazırgı taŋda oblysymyzda myŋnan astam baspana satyp alynyp, su tasqynynan zardap şekken otbasylarǧa berıldı. Sonymen qatar, 775 tūrǧyn üidıŋ qūrylysy qarqyndy jürgızılıp, endı qūrylysy aiaqtalǧan üilerdıŋ halyq igılıgıne berılu sätınıŋ kuäsı bolyp otyrmyz», - dedı öŋır basşysy.
Qūrylys jūmystary «Aqsaigazservis» AQ, «Aqjaiyq», «Demeu» qorlary jäne «Qazaq Stroy Almaty» JŞS demeuşılıgımen jürgızıldı. Jalpy qarjylandyru kölemı 1,6 mlrd. teŋgenı qūraidy.
Pugachev auylynyŋ tūrǧyndary İmanalievter otbasy jalǧyz baspanasy suǧa ketıp, jaramsyz dep tanyluyna orai, olar jaŋa päterdıŋ iesı atandy.
«Pugachev auylyna 2006 jyly otbasymyzben köşıp kelıp, üi salyp aldyq. Sol salǧan üiımızdı nauryz aiynyŋ aiaǧynda tasqyn su basty. Degenmen, arada köp uaqyt ötpei bügın baspanaly bolyp jatyrmyz. Jaryq, keŋ 3 bölmelı, ülken, barlyq jaǧdaiy jasalǧan baspanaǧa qol jetkızgenımızge öte quanyştymyz.Osyndai jaǧdai jasaǧan Memleket basşysyna alǧysymdy bıldıremın», - dedı İmanalieva Aqkenje.
Bügınde Börlı audanynda su tasqynan zardap şekkenderdı baspanamen qamtamasyz etu mäselesı 100 paiyz şeşıldı.
