Euraziia arnasynyŋ kadry Atyraudaǧy Teŋız kenışınıŋ jūmysşylary taǧy da bas köterdı. Bıraq būl joly olar "bızdı jūmystan zaŋsyz şyǧaryp otyr" dep narazylyqtaryn bıldırıp jatyr. Basqa jūmysqa tūra almai sandalyp jürgender de bar eken. Öitkenı olardyŋ qaidan kelgenın estıgen özge firma basşylary aitqandaryna müldem qūlaq aspai, esıktı tars jabatyn körınedı. Būl turaly Euraziia bırınşı arnasy habarlaidy.
https://youtu.be/k_RwCQchX5I
Eldı dür sılkındırgen Teŋız kenışındegı daudan keiın barlyq qyzmetkerlerge demalys berılıp, jūmys uaqytşa toqtatylǧan bolatyn.
Sol kezde oblys äkımı Nūrlan Noǧaev kelıp, "Qyzmetımızden aiyrylyp qalamyz ba dep" alaŋdaǧan jūrtqa "Qoryqpaŋyzdar, bärın öz baqylauymda ūstaiymyn dep uäde etken edı" deidı. Ekı ai jūmyssyz otyrǧan jūrttyŋ ümıtı künı keşe üzıldı. Kompaniia qyzmetkerlerı jūmysşylarǧa habarlasyp, kelısım şarttyn būzylǧanyn mälemdegen. Endı 200-ge juyq adam ne ısterın bılmei sandalyp jür. Qala tūrǧyny Jetkerbai Külımjanov eseŋgırep qalǧanyn aitady. "Özımız şok bolyp qaldyq mūndaidy estıgende. Aldyn kredit alyp, üi alyp, söitıp jasap edık. Bala-şaǧamyz bar ǧoi bärımızdıŋ. Olai bolmaidy ǧoi bır künde söitıp qysqartyp jıberetın. Aldyn ala eskertıp aitu kerek. Osyndai bolady, jaǧdai osyndai dep", - deidı ol. "Aldynda Tengizde köterılıs bolǧan kezde, oblys äkımı Nūrlan Noǧaev sol özı aitty ǧoi, eşqandai jūmystan qysqartu bolmaidy, jūmystyŋ barlyǧy jüredı dep. Sonda osy äkımnıŋ sözı qaida? Bızde aitqan uädesı qaida? Bız erteŋ myna 200 adam qaidan jūmys tabamyz? Küzdıŋ uaqyty, qys ta jaqyndap kele jatyr. Jūmys bolmaidy da ǧoi köp jerlerde", - deidı taǧy bır tūrǧyn Jaslan Qabdeşev. Telearna tılşılerı män-jaidy kompaniia basşylyǧynan bılmek bolǧan. Bıraq ondaǧylardy jūmys ornynan tabylmaǧan. Degenmen kelısımşartpen büge-şügesıne deiın tanysqan eŋbek isnspektory, barlyǧy da zaŋ aiasynda jürıp jatqanyn jetkızdı. "Būlardyŋ jaǧdaiy boiynşa eŋbek şarty belgılı bır jūmystyŋ aiaqtaluyna deiın jasalǧan, eger onyŋ uaqyty kelgen jaǧdaida jūmys beruşı habarlama berıp eŋbek şartyn būzuǧa qūqyly", - deidı Kemel İmanǧaliev, Atyrau oblysy memlekettık eŋbek inspeksiiasynyŋ bölım basşysy Dese de, bır künde näpaqasynan aiyrylǧan jūmysşylar mūnyŋ zaŋdy ekenımen eş kelıspeidı. Būl ıske tez arada jergılıktı bilıktıŋ aralasqanyn talap etıp otyr. Eske salaiyq, Teŋızde biyl 29 mausymda jappai tärtıpsızdık bolǧan edı. Bastapqyda oǧan WhatsApp arqyly taraǧan foto sebep bolǧan delındı. Oqiǧa saǧat 11:00-de "Teŋız" vahtalyq auylynda bolǧan, "Sohsolited Contracting Endihering and Prourement s.a. L Offshore (SSER)" kompaniiasynyŋ jūmysşylary jūmys uchaskesıne jinalyp, Liviia azamaty Eli Daoud-tyŋ jaqynda jariialaǧan suretıne qatysty narazylyqtaryn bıldırgen, onyŋ Whatsapp messendjerındegı suretınde qolynda rasiia ūstap, antennany bır qyzǧa baǧyttap tūrǧanyn köruge bolady. Saldarynan 30 jūmysşy jaraqat aldy. Keiın kompaniianyŋ bas direktory Kauaş Hişam qazaqstandyqtardan keşırım sūraǧan. Alaida keiın jergılıktı bilık jūmysşylardyŋ jalaqysy şeteldık jūmysşylardyŋ eŋbekaqysynan edäuır tömen ekenın anyqtap, eŋbek jaǧdaiyn teŋestıruge uäde bergen. Mäselenı şeşu üşın komissiia qūrylyp, ony oblys äkımınıŋ orynbasary Serık Şäpkenovtıŋ basqaratyny habarlanǧan.
Derekköz: kaz.tengrinews.kz
"Adyrna" ūlttyq portaly
