Halyqtyŋ äleumettık jaǧdaiyn köteru maqsatynda qolǧa alynǧan keşendı şaralardyŋ tiımdılıgınıŋ basty ölşemı – tūrǧyndar tabysynyŋ artuy men ömır süru sapasynyŋ jaqsaruy. Būl rette Memleket basşysy ekonomikanyŋ ösımın halyqtyŋ ömır sapasyna tıkelei äser etu qajettıgın jetkızıp, naqty mındetter jüktegen bolatyn.
Osy oraida Şymkent qalasynyŋ ekonomikalyq körsetkışterımen qatar jergılıktı biudjettıŋ kölemı de jyldan jylǧa artyp keledı. Bügıngı taŋda biudjet kölemı 764 mlrd teŋgenı qūrap, soŋǧy 6 jylda 5,2 esege östı. Osyǧan orai, ötken jyly jergılıktı biudjetten qarjylandyrylatyn mekemelerdegı 15 myŋǧa juyq qyzmetşınıŋ jalaqysyna qosymşa 22 000 teŋge yntalandyru üstemeaqysy taǧaiyndalǧan bolatyn. Biyl 1 säuırden bastap qala äkımı Ǧabit Syzdyqbekovtıŋ tapsyrmasy aiasynda üstemaqy 50 myŋ teŋgege deiın köterıldı. Nätijesınde, jergılıktı biudjetten qarjylandyrylatyn mekemelerdegı eŋ tömengı jalaqy kölemı 140 000 teŋgeden asty.
Halyqtyŋ tūrmysyn jaqsartu baǧytyndaǧy şaralar aldaǧy uaqytta da jalǧasyn tabatyn bolady. Tüsındırme jūmystarynyŋ nätijesınde mūndai igılıktı bastamalar qala käsıpkerlerı tarapynan da qoldau tauyp, bırqatar jeke sektordaǧy jalaqy körsetkışı de artyp keledı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz