Elımızde jyl basynan berı avtobus apatynan 25 adam qaza tauyp, 445 adam jaraqat alǧany aityldy

Qazaqstanda avtobus apaty saldarynan 25 adam qaza tauyp, 445 adam jaraqat alǧan, dep habarlaidy "Adyrna" ūlttyq portaly QR IIM resmi internet-resursyna sıltep.  «Saraptama körsetkendei, respublika boiynşa avtobustardyŋ qatysuymen bolatyn jol-kölık oqiǧalarynyŋ 56%-ǧa öskenı baiqalady. Tek biylǧy jyldyŋ özınde avtobustardyŋ qatysuymen bolǧan jol-kölık oqiǧasynan 25 adam qaza tauyp, 445 adam jaraqat aldy», - delıngen habarlamada. Eldegı jol qauıpsızdıgın arttyru jäne jol jaǧdaiyn jaqsartu maqsatynda jol qozǧalysy erejelerıne eldı mekenderde avtobustardyŋ jyldamdyǧyn tömendetuge qatysty tüzetuler engızılgenı habarlandy. Būl tüzetuler 2024 jylǧy 6 mamyrda küşıne endı. «Jyldamdyqty asyru qaşan da auyr zardaptarǧa äkep soǧady, sondyqtan eldı mekenderde jyldamdyqty 50 km/saǧ deiın şekteu şaralary qabyldandy», - delıngen habarlamada.