Kökşetauda su tasqynynan zardap şekken tūrǧyn üilerdı būzu jäne özendı tazartu jūmystary jürgızılıp jatyr

Oblys äkımı Marat Ahmetjanov Kökşetau qalasy boiynşa jūmys sapary aiasynda jergılıktı kompaniialardyŋ investisiialary esebınen salynyp jatqan bırqatar äleumettık nysandardy aralady. Bırınşı nysan Elevator audanyndaǧy köktemgı su tasqyny kezınde su basqan üiler boldy. Oblys äkımı M.M.Ahmetjanov «Meiır» JŞS merdıgerlık ūiymynyŋ apatty tūrǧyn üilerdı būzu jūmysymen tanysty. Jalpy alǧanda zardap şekken 64 üi būzylmaq. Esterıŋızge sala keteiık, su basqan üilerdıŋ tūrǧyndary būdan būryn jaŋa päterlerge köşken edı.

«Aumaqty tazalap, osy üilerdıŋ ornyna ne salu qajet ekenın oilastyru kerek. Eŋ aldymen, jaqyn maŋdaǧy № 8 orta mekteptıŋ müddelerın eskergen jön. Mäselen, oqu ornynyŋ sport alaŋyn keŋeituge bolady. Būl jer qazır memlekettık qorǧa ötıp jatqanyn eskersek, abattandyrumen de ainalysu qajet», - dedı äkım.

Sondai-aq, öŋır basşysy Qylşaqty özenın tazartu barysymen tanysyp, mektepke jaqyn maŋda salynǧan jaŋa köpırdı tekserdı. Eskı köpır biylǧy tasqynnyŋ saldarynan jaramsyz bolyp qalǧan edı. Esterıŋızge sala keteiık, mamandandyrylǧan ūiymdar Qylşaqty özenınıŋ qauıptı aimaqtarynda ızdestıru jūmystaryn jürgızdı. Nätijesınde su deŋgeiın köteru jäne su qoimasynyŋ gidrologiialyq rejimın jaqsartu üşın ūzyndyǧy şamamen 4 km özen aŋǧaryn tazartu turaly şeşım qabyldandy. Merdıger – «Qazaq Union» JŞS-nıŋ aituynşa, Qylşaqty özenın tazartu jūmystary 5 tamyzda bastalǧan. «Jürgızılıp jatqan jūmys – su tasqynynyŋ aldyn alu boiynşa bırınşı kezektegı şara. Qos jaǧalaudy sapaly tazartyp qana qoimai, nyǧaitu jūmystaryn da eskeru qajet», - dep atap öttı oblys äkımı.

«Barlyq jūmystar uaqytyly oryndalady. Üilerdı būzu aiaqtalǧannan keiın, jaŋa äleumettık nysandardy bekıtu üşın bas jospar qarastyrylady. Köpırdı qaita qūru turaly aitatyn bolsaq: būl jūmystardy «Servis NS» JŞS merdıger ūiymy atqardy. Köpırdıŋ ūzyndyǧy 45 metr, jaiau jürgınşıler bölıgınıŋ enı 4 metr, ekı jaryqtandyru tıregı jäne segız şam ornatyldy», - dep atap öttı Kökşetau qalasy äkımınıŋ orynbasary D.K.Jünısov

Sonymen qatar, Qylşaqty özenınıŋ boiynda Abai köşesındegı avtomobil köpırınen Süleimenov köşesındegı jaiau jürgınşıler köpırıne deiın taǧy bır alleia paida boldy. «Balyqşy alleiasynyŋ» bastamaşysy Kökşetau qalalyq mäslihatynyŋ deputaty Rüstem Tūrjanov boldy.

«Būl alleiada «Home Credit Bank» demeuşılık qarajaty esebınen kün batareialarynda jūmys ısteitın 12 jaryqdiodty şam, oryndyqtar men ätkenşekter ornatyldy. Kökşetau qalalyq mäslihatynyŋ deputattyq korpusymen bırlesıp jabaiy alma aǧaşynyŋ köşetterı otyrǧyzyldy», - dedı «Buka» JŞS direktory R.E.Tūrjanov.

Aita keteiık, būl joba Kökşetau qalasynyŋ «Buka», «Qazaq Union», «Alma-Miks», «EnergoPromTehno» serıktestıkterınıŋ jäne Home Credit Bank bastaǧan äleumettık belsendı biznes qairatkerlerınıŋ demeuşılık qarajaty esebınen su tasqynynyŋ aldyn alu şeŋberınde ıske asyryldy. Oǧan qosa, öŋır basşysy Şalqar köşesındegı salqyn saldyryn joiu aiasynda qolǧa alynǧan aula aumaqtaryn kürdelı jöndeu jūmystarynyŋ barysymen tanysty.

«Atqarylǧan jūmystar infraqūrylymdy jaqsartuǧa jäne tūrǧyndar üşın qolaily jaǧdai jasauǧa baǧyttaluy tiıs. Tötenşe jaǧdaidyŋ qaitalanbauy üşın barlyq oŋ jäne terıs jaqtaryn eskeru qajet», - dep atap öttı Marat Ahmetjanov.

Taǧy bır salynyp jatqan nysan – Qopa kölınıŋ boiyndaǧy Qan ortalyǧynan Kenesary köşesıne deiıngı jol. Būl uchaskedegı jūmysty «ABK Avtodor NS» JŞS merdıgerlık ūiymy jürgızedı. Qazırgı uaqytta merdıger köpırden ortalyq bazarǧa deiıngı joldy jöndeuge kırıstı.

«Uchaskede qara qiyrşyq tastan jasalǧan negızdıŋ joǧarǧy qabatyn töseu jūmystary jürgızılude. Oryndalǧan jūmystardyŋ jalpy kölemı 8 500 şarşy metr», – dedı «ABK-Avtodor NS» JŞS joba jetekşısı Azamat Bırseiıtov.

Aita keteiık, jobada 2 jaqty jaryqtandyru, ekı jaǧynan trotuar, bır jaǧynan velosiped joly, su būru naualary, baǧdarşam nysandarymen qiylystardy jailastyru jäne kögaldandyru qarastyrylǧan. Jūmystardy 10 ai ışınde aiaqtau josparlanuda.

«Būl nysanda bärı kelısıluı kerek. Qazır mındet-demalys aimaqtaryn, sport alaŋdaryn, pirsterdı salu üşın aumaqty daiyndau. Barlyǧy oblys ortalyǧynyŋ kelbetıne sai boluy kerek. Sonymen qatar, Kökşetau kölı bar jalǧyz oblys ortalyǧy ekenın ūmytpaǧan jön», - dep tüiındedı Marat Ahmetjanov.