Makinsk qalasynda jäne Būlandy audanynyŋ basqa da eldı mekenderınde su qūbyry jelılerın qaita qūru boiynşa bırneşe infraqūrylymdyq jobalar jüzege asyryluda.
Memleket basşysy Qasym-Jomart Toqaevtyŋ tapsyrmasy boiynşa jürgızılıp jatqan su şaruaşylyǧy infraqūrylymyn keşendı jaŋǧyrtu şeŋberınde halyqty taza auyz sumen qamtamasyz etu boiynşa jūmystar qolǧa alynǧan.
"Makinsk qalasynda su qūbyry jelılerın qaita jaŋartu osy jyldyŋ jazynan bastaldy. Bügıngı taŋda qalanyŋ 8 köşesınde qūbyr tartu jūmystary aiaqtaldy, 169 qūdyq montajdaldy, 12 şaqyrymnan astam abonenttık qūbyr salyndy", - dep atap öttı Būlandy audanynyŋ qūrylys bölımı basşysynyŋ mındetın atqaruşy Elka Jaria.Aita ketsek, su qūbyry jelılerın qaita jaŋartu jūmystary audannyŋ eldı mekenderınde de jürgızılude. Tört auylda infraqūrylymdyq jobalar aǧymdaǧy jyly aiaqtalady, būl 2000-nan astam adamdy sapaly auyz sumen qamtamasyz etuge mümkındık beredı.
