Memleket basşysy Qasym-Jomart Toqaevtyŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauynda qoiǧan tapsyrmasyn oryndau maqsatynda Ükımet «Biznestıŋ jol kartasy» jäne «Qarapaiym zattar ekonomikasy» baǧdarlamalaryn bırıktırgen Şaǧyn jäne orta käsıpkerlıktı qoldau men damytuǧa arnalǧan keşendı baǧdarlamany äzırlep, qabyldady.
Käsıpkerlıktı damytu salasynda memleket jürgızıp otyrǧan saiasattyŋ qazırgı kün tärtıbı men myqty, bäsekege qabılettı käsıporyndar qūru qajettıgın eskere otyryp, jaŋa baǧdarlama aiasynda tiımdı jobalarǧa qoldau körsetu közdelgen. Sonymen qatar jaŋa jobalardy subsidiialau üşın biudjettı bölu negızınen öŋdeu önerkäsıbı salasyndaǧy (şamamen 50%) käsıporyndar arasynda jüzege asyrylady.
Sondai-aq biudjetke tüsetın jüktemenı azaitu üşın qyzmet körsetu salasyndaǧy jobalardy subsidiialau merzımı 5 jyldan 3 jylǧa deiın qysqartyldy. ŞOB jobalaryn subsidiialaudyŋ saralanǧan ädısı qarastyrylǧan, būl kezeŋ-kezeŋımen naryqtyq jaǧdailarǧa köşırudı közdeidı. Subsidiialauǧa jatatyn jekelegen qyzmet salalary oŋtailandyryldy.
Nesieler boiynşa kepıldık beru qūraly keŋeitıldı, atap aitqanda, kepıldıkter somalary ūlǧaityldy, biznes subektılerıne 1 mlrd teŋgeden asatyn nesie somalaryna naryqtyq şarttar boiynşa kepıldık alu mümkındıgı berıldı.
Būǧan qosa, baǧdarlamada memlekettık qoldaudyŋ balamaly qūraly retınde sindikattalǧan nesieleu qarastyrylǧan, ol bır mezgılde bırneşe bank arqyly 15 mlrd teŋgege deiın ırı jobalardy qarjylandyrudy közdeidı.
Sondai-aq obligasiialyq qaryzdar beru şarttary edäuır keŋeitıldı. Mäselen, emitent-käsıpker obligasiia şyǧaru kezınde kupondyq syiaqy mölşerlemesıne subsidiia alyp, 5 jyl merzımge deiın 6% mölşerlememen 5 mlrd teŋgege deiın qarjylandyrudy tarta alady.
Biylǧy 6 aida jaŋartylǧan baǧdarlama aiasynda subsidiialar men kepıldıkter türındegı qoldau şaralarymen Qazaqstanda şamamen 14 myŋ biznes jobasy qamtyldy: subsidiialau boiynşa – 566 mlrd teŋgege 8 624 joba, kepıldık beru boiynşa – 178,9 mlrd teŋgege 5 381 joba.
Jaqyn arada öndırıstıŋ tehnologiialyq kürdelılıgıne qarai memlekettık qoldaudyŋ saralanǧan tetıkterın engızu josparlanuda. Joǧary tehnologiialyq daiyn önım şyǧaratyn käsıpkerler üşın qoldau şaralary ūzaq merzımge arzandatylǧan nesie berudı qamtityn bolady.
Atalǧan tetıkter biznestı maqsatty ärı tiımdı qoldaudy qamtamasyz etuge mümkındık beredı, būl, öz kezegınde, tūraqty ekonomikalyq ösımge jäne elımızdıŋ bäsekege qabılettılıgın arttyruǧa yqpal etedı.
