Aqmola veterinariialyq stansiialaryna 19 bırlık qyzmettık avtokölıgı tabystaldy. Audandyq veterinariia bölımderınıŋ basşylaryna avtokölıkterdıŋ kıltterın oblys äkımı
Marat Ahmetjanov tapsyrdy.
Öŋır basşysy öz sözınde veterinariia salasynyŋ strategiialyq maŋyzdylyǧyn atap öttı.
Öŋır basşysy öz sözınde veterinariia salasynyŋ strategiialyq maŋyzdylyǧyn atap öttı.
«Sızderdıŋ qyzmetterıŋız et jäne süt önımderınıŋ sapasyn baqylaudy qamtamasyz etu, sondai-aq januarlar arasynda qauıptı aurulardyŋ taraluynyŋ aldyn alu arqyly halyqtyŋ densaulyǧyna tıkelei äser etedı», - dep atap öttı M.Ahmetjanov.Soŋǧy jyldary veterinarlyq qyzmetterdıŋ materialdyq-tehnikalyq bazasyn jaqsartu mäselelerı şeşılude. Jaŋa kölıkterden basqa, planşetter, moduldık veterinariialyq punktter satyp alyndy jäne ülgılık mal qorymdarynyŋ qūrylysy jürgızılude. Mūnyŋ bärı veterinarlar jūmysynyŋ tiımdılıgın arttyruǧa jäne halyqqa körsetıletın qyzmetterdıŋ sapasyn jaqsartuǧa, epizootiialyq jäne epidemiologiialyq jaǧdaidy tūraqtandyruǧa, kadr mäselesın şeşuge baǧyttalǧan.
«Jaŋa avtokölık – būl eŋ aldymen eldı mekender arasyndaǧy jyldam qozǧalys. Köbınese qiyndyqtar aua-raiynyŋ qolaisyzdyǧynda bolady. Tehnika soŋǧy ret 10 jyl būryn jaŋartylǧan», - dedı Ereimentau audanynyŋ veterinariialyq stansiiasynyŋ bastyǧy Oral Töleuov.Aita keteiık, Aqmola oblysynda 19 memlekettık veterinariialyq ūiym, auyldyq jerlerde 217 veterinariialyq punkt jūmys ısteidı.
