Ūrlap äketken. Abai oblysynda şeteldıkterdı bopsalaǧan 4 qazaqstandyq ūstaldy

Abai oblysynda şeteldıkterdı ūrlap äketıp, bopsalaǧan 4 qazaqstandyqqa qatysty sot ükımı şyqty, dep habarlaidy “Adyrna” ūlttyq portaly.

Qylmystyq ıster jönındegı mamandandyrylǧan audanaralyq sotynda Qylmystyq kodekstıŋ “bopsalau", “tonau", “adam ūrlau" baptary boiynşa aiyptalǧan 4 sottaluşyǧa qatysty ıs qaraldy. Sot saraptamasy anyqtaǧandai, ıs boiynşa ekı aiyptaluşy meiramhanada üş tanysymen kezdesken. Olardyŋ arasynda käsıpker de bolǧan. Mūny bılgen sottaluşylar ony aldap, tūrǧyn üi keşenderınıŋ bırındegı jaldamaly päterge alyp barǧan. Tergeu mälımetterı boiynşa, küdıktıler käsıpkerdı ūryp-soǧyp, jaqyndaryŋdy öltıremız, ar-namysyŋa nūqsan keltıretın aqparat taratamyz dep qorqytyp, aqşa öndırıp alǧan. "Olar er adamnyŋ tamaǧyna pyşaq taqap, foto jäne videoǧa tüsırıp, 200 000 AQŞ dollaryn jäne üş avtokölık talap etken. Kölıkterdıŋ bırı 20 000 000 teŋgege baǧalaǧan", – dep habarlady Abai oblystyq sotynyŋ baspasöz qyzmetı. Sonymen qatar küdıktıler şetel azamattaryna qatysty da qylmys jasaǧan. Tergeu barysynda anyqtalǧandai, sottaluşy N. Öskemen qalasynda altyn öndırumen ainalysatyn ekı Qytai azamatyn kelısılgen jerge alyp baramyn dep uädelesken. Artynşa küdıktı M-men kölıkke şabuyl ūiymdastyrǧan. "Olar aldyn ala söz bailasyp, äskeri kamufliaj, arqan, betperde jäne tapanşaǧa ūqsas zat daiyndaǧan. Artynşa olar jäbırlenuşıler otyrǧan kölıkke şabuyl jasaǧan. Küdıktıler jäbırlenuşılerdı ūryp-soǧyp, öltıremız dep qorqytyp, ūialy telefondary men aqşalaryn tartyp alǧan”, – delıngen Abai oblystyq sotynyŋ habarlamasynda. Aiyptaluşylar kölık jürgızuşısımen söz bailasqanyn jasyru üşın ony da ūryp-soqqan keiıp tanytyp, telefonyn tartyp alǧan. "Sodan keiın Qytai azamattaryn jük salǧyşqa salyp, köp aqşa talap etıp, ūrlap äketken", - delıngen habarlamada. Is boiynşa jäbırlenuşıler küdıktılerdı kınälı dep tauyp, bas bostandyǧynan aiyrudy sūrady. Al küdıktıler öz kınälaryn moiyndaudan bas tartty. Sot aiyptaluşylardy kınälı dep tapty. Olardyŋ ekeuı 11 jäne 10 jylǧa bas bostandyǧynan aiyryldy. Is boiynşa taǧy ekı aiyptaluşy 9 jylǧa jäne 8 jyl 6 aiǧa bas bostandyǧynan aiyru jazasyna kesılıp, jazasyn qauıpsızdıgı ortaşa mekemede öteidı.