Bügın Mäjılıs spikerı, «AMANAT» partiiasynyŋ töraǧasy Erlan Qoşanov «Jastar Ruhy» respublikalyq jastar saiasi lagerınıŋ jūmysyna qatysty. Türkıstan oblysy Nysanbek auylynda Qazaqstannyŋ tükpır-tükpırınen kelgen 420 delegat bas qosty.
Mäjılıs spikerı, «AMANAT» partiiasynyŋ töraǧasy Erlan Qoşanov jastar ünemı jaŋa ürdısterdıŋ basy-qasynda jüretının jäne memleketımızdıŋ qozǧauşy küşı bola otyryp, Ädılettı Qazaqstannyŋ bolaşaǧy sanalatynyn atap öttı.
– Osydan ekı jyl būryn bız Zerendıde jastar qanatynyŋ atauyn özgertu turaly şeşım qabyldaǧan edık. Sodan berı «Jastar Ruhy» qarqyndy jūmys atqaryp keledı. Ūiymnyŋ aty ǧana emes, zaty da özgerdı. «Jastar Ruhy» elımızdegı jetekşı qozǧalysqa, jastardyŋ ruhyn köteretın ırgelı ūiymǧa ainaldy. Memleket basşysy Qasym-Jomart Toqaevtyŋ Zerendı forumyndaǧy beineündeuınde jastardyŋ zaman talabyna sai damuy üşın üş negızgı basymdyqty aiqyndap berdı. Ol – bılımge ūmtylys, eŋbekqorlyq jäne patriotizm. Būl baǧyttar jastar qanatynyŋ aldaǧy damu jolynyŋ özegıne ainaldy, – dedı partiia töraǧasy.
Mäjılıs Spikerı bügınde memleket jastardyŋ äleumettık mäselelerın şeşu baǧytynda auqymdy jūmys atqaryp jatqanyn atap öttı. Partiia jelısı boiynşa jastardy jūmyspen qamtuǧa baǧyttalǧan «Jastarǧa jūmys», qarjylyq sauattylyqty arttyrudy közdeitın «Qaryzsyz qoǧam», auyl tūrǧyndaryna jeŋıldetılgen nesie beruge arnalǧan «Auyl amanaty» jobalary jüzege asyryluda. Sonymen qatar qūmar oiyn, naşaqorlyq, jūrttyŋ qaryzǧa batuy syndy mäseleler zaŋnamalyq deŋgeide şeşılude. Soǧan qaramastan, bügınde jastar aldynda tūrǧan älı de köptegen äleumettık syn-qater bar. «Jastar Ruhynyŋ» missiiasy – jastardy özektı mäselelerdı şeşuge jūmyldyru jäne öskeleŋ ūrpaqty memlekettık jobalardy jüzege asyruǧa jan-jaqty tartu ekenıne toqtaldy.
Sondai-aq partiia töraǧasy «Jastar Ruhy» volonterlık qyzmetınıŋ tiımdılıgıne nazar audardy. Mäselen, köktemgı su tasqyny kezeŋınde «AMANAT» partiiasy janyndaǧy jastar qanatynyŋ belsendılerı şynaiy patriotizm men azamattyq jauapkerşılıktıŋ ülgısıne ainaldy. Olar «Adal azamat» tūjyrymdamasyna sai keletın qasietterdı ıs jüzınde körsete bıldı.
Forum barysynda ıs-şaraǧa qatysuşylar jastardy saiasi jäne äleumettık jūmystarǧa tartu jönınde bırqatar bastama köterdı. Iаǧni, kürdelı saiasi prosesterdı tüsınuge jäne jalǧan aqparattarmen tiımdı küresuge qabılettı jas saiasatkerler pulyn qūru, äsırese, auyldyq jerlerde kreativtı industriiany damytu, volonterlerdı qoldau jüiesın engızu, onyŋ ışınde oquǧa tüsu nemese jūmysqa ornalasu kezınde artyqşylyq beru.
Jas köşbasşylar Prezidenttıŋ «Taza Qazaqstan» jalpyūlttyq bastamasy şeŋberınde ötıp jatqan «Taza beisenbı» partiialyq aksiiasynyŋ aiasyn keŋeitudı ūsyndy. Atap aitqanda, būryn su tasqynynan qorǧanu üşın bögetter tūrǧyzylǧan özender men su aidyndarynyŋ arnalaryn tazartu jūmysyn bastau, qorşaǧan ortany qorǧaudyŋ maŋyzy turaly tüsındıru jūmystaryn jürgızu, qoǧamdyq oryndarda qoqys sūryptauǧa arnalǧan avtomattar ornatu, sondai-aq keler jyly da «Taza beisenbı» aksiiasyn jalǧastyru.
Is-şaraǧa qatysuşylar Qazaqstanda AES salu mäselesın jeke talqylady. «Jastar Ruhynyŋ» belsendılerı men müşelerı būl bastamanyŋ maŋyzyn atap ötıp, AES qūrylysyna qoldau bıldırdı.
Öz sözınde ǧalym Nūrhat Jäkiev Qazaqstandaǧy energiianyŋ 80%-ǧa juyǧy bügınde kömır arqyly öndırıletınıne jäne atom energiiasyn paidalanu osy jaǧdaidan şyǧudyŋ eŋ tiımdı joly ekenıne nazar audardy.
– Qazır älem özgerıp jatyr. Bız jasandy intellekt, 6G internet, elektromobil, drondar, biotehnologiia, kvanttyq kompiuter sekıldı kiberǧylym däuırınde ömır sürıp jatyrmyz. Būnyŋ bärı nemen jūmys jasaidy? Ärine, energiia közderınen quat alady. Sondyqtan da, bılektıŋ zamanynda myqty bolǧan bız bılımnıŋ zamanynda artta qalmau üşın ǧylymnyŋ küşıne süienıp ekologiialyq tūrǧydan tiımdı energiianyŋ jolyn tabuymyz kerek. AES qūrylysy aldaǧy 100 jylda elımızdegı elektr quaty tapşylyǧy mäselesın şeşedı, jaŋa jūmys oryndary aşylady, – dedı ol.
Öz kezegınde, «Jastar Ruhy» jastar qanaty Maŋǧystau oblystyq filialynyŋ töraǧasy Abzal Marat öŋırdı jylumen, tūşy sumen jäne elektr energiiasymen qamtamasyz etıp kele jatqan Maŋǧystau atom energetika kombinaty 56 jyldan berı jūmys ıstep tūrǧanyna nazar audardy. Onyŋ aituynşa, bükıl älem, sonyŋ ışınde Qazaqstan bırtındep elektromobilderge köşude, būl da tūraqty energiia közınıŋ boluyn talap etedı.
Al jas ǧalym, H.Dosmūhamedov atyndaǧy Atyrau universitetınıŋ prorektory Ashat Şükırovbügınde atom elektr stansiialaryn paidalanatyn älemnıŋ 32 elıne düniejüzılık ekonomikanyŋ jäne älem halqynyŋ teŋ jartysy tiesılı ekenın atap öttı. Būǧan qosa, älemdegı eksporttyq tauarlardyŋ 70%-yn osy elder öndıredı. Onyŋ aituynşa, Qazaqstan jahandyq damudan şet qalmauǧa tiıs. Ol üşın bızge energiia berıp qana qoimai, otandyq ǧylym men tehnologiiany jaŋa deŋgeige köteretın AES qajet.
Mäjılıs töraǧasy jas belsendılerdıŋ pıkırıne qoldau bıldırdı. Ol AES töŋıregınde jürıp jatqan auqymdy pıkırtalasqa jastar belsendı qatysyp, özderınıŋ azamattyq ūstanymdaryn batyl bıldıruı kerek ekenın atap öttı.
– Prezidentımız aitqandai, elımız üşın eŋ maŋyzdy şeşımder tek halyqtyŋ pıkırın eskere otyryp qabyldanady. Būl – Memleket basşysynyŋ basty ūstanymy. Demek AES salu mäselesınde negızgı şeşımdı halyq qabyldaidy. Atom energetikasy ne üşın qajet? Bızdıŋ bolaşaǧymyz üşın qajet. Memleketımızdıŋ bäsekege qabıletın arttyru üşın qajet. AES – ǧylym men tehnologiiany damytu üşın qajet. Tüptep kelgende el täuelsızdıgın nyǧaitu, ekonomikasyn ornyqty damytu üşın qajet, – dedı Erlan Qoşanov.
«AMANAT» partiiasynyŋ baspasöz qyzmetı
Surettı tüsırgen: Jaslan Jūmabekov, Äli Ǧalym
