QazAqparat – Bılım jäne ǧylym ministrı Ashat Aimaǧambetov mektepterde ötıp jatatyn aqyly olimpiadalardyŋ ötkızıluın qoldamaitynyn mälım ettı, dep habarlaidy QazAqparat tılşısı. «Bız daryndy balalardy ary qarai da qoldaimyz. Bıraq, bılım men bılım jüiesı separator, segregasiia qyzmetın atqarmauy tiıs. Bız kerısınşe, älsız mektepterdı üzdık mektepterdıŋ deŋgeiıne süireuımız kerek. Dese de, daryndy balalarmen jūmys jeke tūruy tiıs. Qazaqstannyŋ daryndy balalary halyqaralyq intellektualdyq saiystarda üzdık oryndar alyp jür. Soŋǧy 3 jylda ǧana qazaqstandyq oquşylar 444 altyn medal, 540 kümıs, 848 qola medal ielengen. Älbette, būl baǧyttaǧy jūmysty jalǧastyru kerek», - dedı Ashat Aimaǧambetov Tamyz konferensiiasynda. Bılım jäne ǧylym ministrı osy rette elımızde ötıp jatqan aqyly olimpiadalar men baiqaular turaly söz qozǧady. «Aqyly baiqaular köbeiıp kettı. Ata-analar keide amalsyz balalaryn qatystyruǧa mäjbür bolady. Keide ol baiqaulardyŋ paidasy da joq. Keibır internet olimpiadalarda qaǧazǧa basyp, aqşa tölep, tapsyrma alyp üiıne qaitqan bala bükıl otbasy bolyp, tapsyrmany şeşıp, aqyry qandai da bır oryn alady. Būl qanşalyqty paidaly, qanşalyqty dūrys? Sondyqtan, olimpiadalar boiynşa Bılım jäne ǧylym ministrlıgınıŋ ūstanymy bar – mektepterde qazırgıdei köp ärı formatta aqyly olimpiadalar bolmauy kerek. Olimpiadalar men baiqaular bızde bolady. Olar kerek! Bıraq, būl rette ministrlık tarapynan naqty reglament bolady», - dedı Bılım jäne ǧylym ministrı.
"Adyrna" ūlttyq portaly
