QazAqparat – Bilim jáne ǵylym mınıstri Ashat Aımaǵambetov mektepterde ótip jatatyn aqyly olımpıadalardyń ótkizilýin qoldamaıtynyn málim etti, dep habarlaıdy QazAqparat tilshisi. «Biz daryndy balalardy ary qaraı da qoldaımyz. Biraq, bilim men bilim júıesi separator, segregaııa qyzmetin atqarmaýy tıis. Biz kerisinshe, álsiz mektepterdi úzdik mektepterdiń deńgeıine súıreýimiz kerek. Dese de, daryndy balalarmen jumys jeke turýy tıis. Qazaqstannyń daryndy balalary halyqaralyq ıntellektýaldyq saıystarda úzdik oryndar alyp júr. Sońǵy 3 jylda ǵana qazaqstandyq oqýshylar 444 altyn medal, 540 kúmis, 848 qola medal ıelengen. Álbette, bul baǵyttaǵy jumysty jalǵastyrý kerek», - dedi Ashat Aımaǵambetov Tamyz konferenııasynda. Bilim jáne ǵylym mınıstri osy rette elimizde ótip jatqan aqyly olımpıadalar men baıqaýlar týraly sóz qozǵady. «Aqyly baıqaýlar kóbeıip ketti. Ata-analar keıde amalsyz balalaryn qatystyrýǵa májbúr bolady. Keıde ol baıqaýlardyń paıdasy da joq. Keıbir ınternet olımpıadalarda qaǵazǵa basyp, aqsha tólep, tapsyrma alyp úıine qaıtqan bala búkil otbasy bolyp, tapsyrmany sheship, aqyry qandaı da bir oryn alady. Bul qanshalyqty paıdaly, qanshalyqty durys? Sondyqtan, olımpıadalar boıynsha Bilim jáne ǵylym mınıstrliginiń ustanymy bar – mektepterde qazirgideı kóp ári formatta aqyly olımpıadalar bolmaýy kerek. Olımpıadalar men baıqaýlar bizde bolady. Olar kerek! Biraq, bul rette mınıstrlik tarapynan naqty reglament bolady», - dedi Bilim jáne ǵylym mınıstri.
"Adyrna" ulttyq portaly
