Aqmola oblysy ışkı saiasat basqarmasynyŋ mälımetınşe, bügın Kökşetau qalasynda jalpy respublikalyq «Taza Kökşetau» jobasyn qoldau maqsatynda ekologiialyq aksiiasy öttı. Is-şaraǧa jastar ūiymdarynyŋ basşylary, azamattyq sektor ökılderı, qalalyq mäslihat deputattary, sondai-aq belsendı jastar, erıktıler jäne «Jasyl El» jauyngerlerınen qūralǧan barlyǧy 500-ge juyq adam qatysty.
Is-şaranyŋ negızgı maqsaty «Adal adam–Adal eŋbek– Adal tabys» tūjyrymdamasy negızınde qala tūrǧyndarynyŋ ekologiialyq mädenietın arttyru, tabiǧatqa, qorşaǧan ortaǧa ūqypty qarau qūndylyqtaryn därıpteu bolyp tabylady.
Aksiia şeŋberınde qala tūrǧyndary baqylau alaŋyn tazartyp, «Täuelsızdık» Tu tūǧyryn abattandyryp, Kökşetau qalasynyŋ tau bökterın qoqystan tazartty.
«Aqmola oblysynyŋ tūrǧyndary Memleket basşysy Qasym-Jomart Toqaev bastamaşylyq etken «Taza Qazaqstan» jobasyn belsendı qoldaidy. Būl joba tabiǧatqa, öz üiıne ūqypty qarauǧa baǧyttalǧan», – deidı oblystyŋ belsendı jastarynyŋ bırı Nariman Mendybaev .
Jergılıktı atqaruşy organdar, kommunaldyq qyzmettermen ūiymdar ökılderınıŋ, qoǧam qairatkerlerınıŋ, belsendıler men tūrǧyndardyŋ bırlesken küş-jıgerımen qoǧamdyq oryndardan tūrmystyq qoqystar tazalau aksiialary jürgızılude.
Jalpy, «Taza Qazaqstan» ekologiialyq aksiiasy bastalǧan sätten bastap, Aqmola oblysy boiynşa 550-den astam eldı meken qamtylyp, 80 myŋ tonna qoqys şyǧaryldy. Tarihi-mädeni eskertkışterdıŋ aumaǧyn abattandyru boiynşa jūmystar jürgızılıp, 200-ge juyq köşet otyrǧyzylyp, ekpelerdı äkteu, su aidyndary-özender men kölderdıŋ ainalasyn qoqystan tazartu, 400 balalar alaŋy abattandyrylyp, tūrǧyn üiler men qoǧamdyq ǧimarattardyŋ qasbetterı jöndeldı.
Oblys boiynşa barlyǧy 500 myŋǧa juyq adamnyŋ qatysuymen 3500-ge juyq bır rettık ekologiialyq ıs-şaralar ötkızıldı.


