KAZENERGY qauymdastyǧynyŋ AES qūrylysyna qatysty mälımdeme jasady, dep habarlaidy "Adyrna" ūlttyq portaly.
"AES senımdı energiia közı bolyp tabylady, joǧary tiımdılıkke jäne bazalyq jükteme rejimınde jūmys ısteu mümkındıgıne ie, būl generasiia qūrylymyn ärtaraptandyruǧa, bıryŋǧai energetikalyq jüienıŋ jūmysyn jaqsartuǧa jäne eldıŋ energiia qauıpsızdıgın edäuır nyǧaituǧa kömektesedı" ekenın jazdy qauymdastyq. Atom energetikasyn eldıŋ energiia teŋgerımıne engızu qazba közderıne täueldılıktı azaituǧa jäne atmosferaǧa ziiandy şyǧaryndylardy azaituǧa mümkındık beretının qosa kettı. "Atom energetikasy - būl ǧylym men bılımnıŋ damuyna yqpal etetın joǧary tehnologiialyq sala. Qazaqstan atom energetikasyn damytu üşın aitarlyqtai tehnologiialyq äleuetke ie. Elde iadrolyq reaktorlardy paidalanu täjıribesı jinaqtalǧan, iadrolyq otyndy şyǧaru öndırısı bar, belgılı ǧylymi-zertteu mekemelerı jūmys jasaidy. Kurchatovtaǧy Ūlttyq iadrolyq ortalyq pen Almatydaǧy iadrolyq fizika institutynyŋ ǧalymdarynyŋ bıregei zertteulerı elımızdıŋ tys jerlerınde belgılı jäne olardy atom stansiialaryn paidalanatyn elder joǧary baǧalaidy" delıngen habarlama mätınınde. Sondai-aq, qauıpsızdık tūrǧysynan qūrylysqa josparlanǧan atom elektr stansiialary qauıpsızdık pen tiımdılıktıŋ halyqaralyq standarttaryna säikes keletın 3+ buyndy reaktorlarmen jabdyqtalatyny aityldy. "Bızdıŋ elımızde tolyqqandy atom derjavasy bolu üşın barlyq alǧyşarttar bar: bız uran öndıru boiynşa tanylǧan älemdık köşbasşy bolyp tabylamyz, Qazaqstannyŋ az quatty zertteu atom reaktorlaryn qauıpsız paidalanuda tabysty täjıribesı bar, elımız Halyqaralyq atom energiiasy jönındegı agenttıgı - MAGATE-nıŋ müşesı bolyp tabylady. Sol MAGATE-nıŋ täuelsız baǧalauy boiynşa Qazaqstan AES qūrylysyn bastau jäne odan ärı paidalanu üşın qajettı infraqūrylymǧa ie. Qazaqstanda AES salu energetikalyq täuelsızdıkke jäne tūraqty damuǧa qol jetkızudegı strategiialyq maŋyzdy qadam bolyp tabylady. Būl şeşım eldıŋ energetikalyq qauıpsızdıgın nyǧaityp qana qoimai, adami kapitaldyŋ damuyna, ǧylym men önerkäsıptıŋ damuyna, jaŋa joǧary tehnologiialyq käsıporyndardyŋ qūryluyna ülken serpın beredı jäne ekonomikaǧa multiplikativtı äser etedı" dep jazdy KAZENERGY qauymdastyǧy.KAZENERGY qauymdastyǧy Ükımettıŋ Qazaqstanda atom stansiiasyn salu turaly bastamasyn qoldaidy.
