Oral qalasyndaǧy oblystyq perinataldyq ortalyqta erekşe jaǧdai boldy. Anatomiialyq erekşelıgı - ekı jatyry bar äiel aldymen bır balany, al ekı aidan keiın ekınşısın düniege äkeldı, dep habarlaidy uralskweek.kz öŋırlık saity. Liliia Konovalova bırınşı balany mamyr aiynda tudy. Şala tuǧan qyzdyŋ salmaǧy 850 gramm bolǧan. Ony bırden jansaqtau bölımıne jatqyzdy. Därıgerler säbidıŋ densaulyǧyn ünemı baqylap otyrdy. Arnaiy oŋaltu şaralary ūiymdastyrylǧan.

"Al 9 tamyzda kesar tılıgın jasau arqyly qyzdyŋ ınısı düniege keldı. Onyŋ salmaǧy – 2 900 gramm. Qazırgı kezde anasy ekı balasymen perzenthanadan şyǧuǧa daiyndalyp jatyr", - deidı bas neonatolog Nūrgül Jünısova.

Egızderdıŋ anasy şarşaŋqy körınse de, baqytty ekenın jasyrmady. Onyŋ aituynşa, endı üidegı ülken qyzdyŋ ekı bauyry bolady. "Menıŋ taǧy bır 7 jasar qyzym bar. Ekınşı qyzdyŋ atyn Leia dep qoiamyz. Al ūlymyz – Maksim. Men anatomiialyq erekşelıgım turaly bılgenmın, bıraq oǧan eşqaşan män bermeppın", - dedı Liliia Konovalova jurnalisterge bergen sūhbatynda. Basylymnyŋ habarlauynşa, soŋǧy 60 jyldyŋ ışınde älem boiynşa mūndai jaǧdailardyŋ sany 70-ten asty, al Qazaqstanda alǧaş ret bolyp otyr. Perzenthana därıgerlerı kelınşektın anatomiialyq erekşelıgı - ekı jatyry baryn bılgenın aitady. Sondyqtan ekınşı balaǧa tolǧaqtyŋ qaşan keletının küttı. "Bız kelınşektıŋ anatomiialyq erekşelıgı turaly bırden bıldık. Sol sebeptı ekınşı balany da osy jerde bosandyryp aluǧa şeşım qabyldaǧan bolatynbyz. Bıluımşe, būl - alǧaşqy oqiǧa. Men Almatydaǧy ärıptesterımnen keŋes aldym, būl elımızde tırkelgen alǧaşqy jaǧdai siiaqty", - dedı perzenthana direktorynyŋ orynbasary Eset Eralin.