Aqmola oblysynyŋ Krasivyi auylynda inkliuzivtı bılım berudı qoldau kabinetı aşyldy

Qazaqstan Respublikasynyŋ Konstitusiiasy künı qarsaŋynda inkliuzivtı bılım berudı damytu jobasy aiasynda Krasivyi auylynyŋ jalpy bılım beretın mektebı erekşe bılım beru qajettılıkterı bar balalardy qoldau üşın jaŋa kabinet aşyldy. Jobanyŋ jalpy qūny 12 mln teŋgenı qūrady. Mektepte erekşe bılım beru qajettılıkterı bar 12 oquşy oqidy. Bügıngı taŋda kabinettıŋ jūmys ısteuı üşın qajettı jabdyqty ornatu tolyǧymen aiaqtaldy. Jaŋa kabinette pedagog-psiholog, logoped-mūǧalım, äleumettık pedagog jäne defektolog jūmys ısteidı. İnkliuzivtı bılım berudı qoldau kabinetıne baratyn 12 oquşyny oqytu psihologiialyq-medisinalyq-pedagogikalyq konsultasiialardyŋ ūsynymdaryna säikes, psihofizikalyq damu erekşelıkterın eskere otyryp jüzege asyrylatyn bolady.

"Būl kabinettıŋ aşyluy-bızdıŋ audanda inkliuzivtı qoǧamdy damytu jolyndaǧy taǧy bır maŋyzdy qadam. Mūnda jeke bılım beru baǧdarlamalaryn ıske asyru negızınde Erekşe bılım beru qajettılıkterı bar balalardy beiımdeu, tüzetu jäne oqytu üşın arnaiy jaǧdailar jasalǧan. Būl balalarǧa jäne olardyŋ otbasylaryna uaqtyly kömek körsetuge mümkındık beredı. Qoldau kabinetın materialdyq jäne ädıstemelık jabdyqtau qajet bolǧan jaǧdaida balalarǧa demaluǧa mümkındık beredı, al mamandar toby jeke oqu jaǧdailaryn jasai alady", — dep atap öttı Esıl audany äkımınıŋ orynbasary A. Jünısov.

Esıl audanynyŋ bılım bölımınıŋ basşysy M. Qajetovanyŋ aituynşa, būl kabinettıŋ aşyluy audanda inkliuzivtı bılım berudı damytuda şeşuşı röl atqarady. Mektep qabyrǧasynda ornalasqan inkliuzivtı bılım berudı qoldau Resurstyq kabinetı erekşe bılım beru qajettılıkterı bar balalardyŋ qolaily atmosferasy men damuy üşın keŋıstık jasaidy. Esterıŋızde bolsa, osyndai kabinetter 2022 jyly Esıl qalasynyŋ №2 JBB mektebınde, qūny 10,3 mln teŋge jäne Aqsai auylynyŋ JBB mektebınde, qūny 10,5 mln teŋge aşylǧan bolatyn.