Konstitusiia künı Oral qalasyndaǧy Derköl kentınde su tasqynynan zardap şekken saiajai tūrǧyndaryna 103 jaŋa baspananyŋ kıltterı tabys etıldı. Būl üiler Eurasian Resources Group-tıŋ (ERG) negızın qalauşy-aksionerlerı bölgen qarajat – (40 mlrd teŋge) esebınen salynǧan.
Üilerdı beru räsımıne Batys Qazaqstan oblysynyŋ äkımı Nariman Töreǧaliev pen «Euraziialyq Top» JŞS bas direktorynyŋ orynbasary Daniiar Rahmatullaev qatysty. Oblys äkımı tūrǧyndardy qonys toilarymen qūttyqtap, jaŋa baspana kıltterın tabys ettı.
«Memleket basşysy Qasym-Jomart Kemelūlynyŋ tapsyrmasyna säikes, tasqynnan zardap şekken tūrǧyndarǧa zaŋ aiasyndaǧy tiıstı kömek körsetıldı. Bügın bız Oral qalasynyŋ saiajailar alqabynda tūryp, tasqynda baspanasynan aiyrylǧandarǧa jaŋa üilerdıŋ kıltterın tabys etıp jatyrmyz. Būl jalpy öŋır üşın ülken quanyş. Qūrylys jūmystaryna qoldau körsetken ERG kompaniiasynyŋ ökılderıne şyn jürekten alǧys aitamyn», - dedı Nariman Töreǧaliev.
«Oraldaǧy osy üiler de Eurasian Resources Group (ERG) kompaniiasy bölgen qarajatqa satyp alynǧan. Kompaniianyŋ negızın qalauşy-aksionerlerı tasqynnan zardap şekkender üşn kömekke 40 mlrd teŋgeden astam qarajat bölgen. Barşa qonys ielerın bügıngı quanyştarymen qūttyqtaimyn. Bosaǧalaryŋyzdan qūt ketpesın! Üilerıŋız berekege tolsyn!» – dedı «Euraziialyq Top» JŞS bas direktorynyŋ orynbasary Daniiar Rahmatullaev.
Oraldaǧy «Nūrly jol» saiajaiynyŋ tūrǧyny Maral Oralovanyŋ üiı tasqyn kezınde su astynda qalǧan. Ol memlekettıŋ kömegınıŋ arqasynda osyndai sapaly baspanaǧa ie bolǧany üşın alǧysyn bıldırdı.
«Nūrly jol» saiajaiynan üi salǧan bolatynbyz. Köktemde üiımız suǧa kettı. Prezidentke raqmet, bızdı dalada qaldyrmady. Bügın Derköl kentınen 3 bölmelı üi būiyrdy. Üidıŋ ışın qarap şyqtyq, keremet dep aitsaq bolady. Sapasy da jaqsy», - dedı Maral Oralova.
Aita keterlıgı, su tasqynan zardap şekkender üşın Batys Qazaqstan oblysynda 775 üi salyndy. Onyŋ 375-sı Oral qalasynda, 400-ı audandarda.
