Kökşetauda inkliuzivtı bıregei balabaqşa aşylady

Aqmola oblysynyŋ äkımı Marat Ahmetjanov Kökşetau qalasy boiynşa jūmys sapary aiasynda «Aiala»inkliuzivtı balabaqşasynda boldy. Tärbie oşaǧy 166 balaǧa arnalǧan. Mūnda oqu jäne tärbie jūmystary memlekettık jäne orys tılderınde jürgızıletın bolady. Diagnozǧa bailanysty 10-12 tärbielenuşıden 12 top aşu josparlanyp otyr. Balabaqşaǧa 3 jastan bastap erekşe balalar qabyldanady.

«Mūnda tolyqqandy damu üşın barlyq jaǧdailar jasalady – tırek-qimyl apparaty būzylǧan balalarǧa arnalǧan toptyq sabaqtar, psihikalyq damuy tejelgen balalarǧa arnalǧan toptyq ıs-şaralar. Därıger, defektolog, psiholog, logoped kabinetterı, sondai-aq oqu – dene şynyqtyru alaŋy jūmys ısteidı», - dep bölıstı «Aiala» balabaqşasy direktorynyŋ mındetın atqaruşy Gülnar Begjanova.

Oblys äkımı mūndai mekemenıŋ aşyluy erekşe kömekke mūqtaj jandar üşın ülken syi bolatynyn atap öttı.

«Memleket inkliuzivtı bılım berudı damytuǧa erekşe köŋıl böledı. Oblysta resurstyq kabinetter jelısı keŋeiıp, būl jūmystar odan ärı jalǧasyn tabady. Är balaǧa erekşılıgıne qaramastan, jalpy bılım beretın mekemelerde oquyna mümkındık berıledı», - dedı M.Ahmetjanov.

Balabaqşada keşendı emdeu, tüzetu jäne äleumettık beiımdelu üşın barlyq jaǧdai jasalǧan. Sondai-aq, būl balalardy qoǧam şettetpeuı üşın keşendı psihologiialyq-pedagogikalyq kömek körsetu, erekşe balalardy otbasylyq tärbieleu mäselelerı boiynşa ata-analarǧa keŋes beru jäne oqytu jūmystary qarastyryldy. Bügın kürdelı jöndeuden keiın «Er-töstık» balabaqşasy öz esıgın aiqara aşty. Aita keteiık, biyl köktemgı su tasqyny kezınde ǧimarattyŋ ışıne su kırgen edı. «Kökşetau-2015» JŞS merdıger ūiymy injenerlık kommunikasiialardy bölşektep, ışkı ärleu jūmystaryn jürgızdı. Kıreberısı jöndelıp, oiyn alaŋdary abattandyryldy. Aita keteiık, Aqmola oblysynda 38 myŋ bala bar. 597 mektepke deiıngı ūiym jūmys ısteidı, onyŋ ışınde 260 balabaqşa. Jyl saiyn inkliuzivtı bılım berudı jüzege asyratyn bılım beru ūiymdarynyŋ sany artyp keledı. Erekşe balalarǧa arnalǧan 65 inkliuzivtı kabinet jūmys ısteidı. Onda 1 myŋnan astam bala barady. Jyl soŋyna deiın taǧy osyndai 11 nysan aşylady dep josparlanuda.