2024 jyldyŋ 28 tamyzynda Aqmola oblystyq AİTV-infeksiiasynyŋ aldyn alu ortalyǧynyŋ mamandary ortalyq ämbebap düken maŋynda jedel testıleu jäne konsultasiia berudıŋ mobildı punktı aşty. Būl künı kez-kelgen adam jūqtyru joldary men aldyn-alu şaralary turaly aqparat, AİTV-infeksiiasy boiynşa epidemiologiialyq jaǧdaidy estıp jäne kezdeisoq äŋgımede medisina qyzmetkerlerıne qyzyqtyratyn sūraqtar qoiyp jauaptar aldy.
Mūndai format därısterden, seminarlardan, treningterden jäne toptyq aqparattyq-tüsındıru ıs-şaralarynyŋ basqa türlerınen aiyrmaşylyǧy aksiiaǧa qatysuşylardyŋ ärqaisysymen qarym-qatynas daralyǧyn erekşeleitının atap ötu maŋyzdy.
Jazdyŋ üş aiynda oblys ortalyǧynda alty aksiia öttı, oǧan 500-ge juyq adam qatysty, olardyŋ 148-ı özderınıŋ AİTV-märtebesın ekspress-ädıspen tanydy.
Ortalyqtyŋ diagnostikalyq zerthanasynyŋ zerthanaşysy Liudmila Maslovanyŋ aituynşa, kapilliarlyq qan boiynşa jedel testıleu kezınde medisinalyq ūiymda törtınşı buyn test-jüielerı qoldanylady. Olar virusty erte anyqtauǧa mümkındık beredı, öitkenı olar AİTV-ǧa antidenelerdı ǧana emes, sonymen qatar antigendı de anyqtaidy. Mysaly, eger antigendı 7-10 künde anyqtauǧa bolatyn bolsa, onda antideneler 21 künnen keiın şyǧarylady jäne būl prosess 3 aiǧa deiın sozyluy mümkın.
Esterıŋızge sala keteiık, mūndai aksiialar qyrküiek jäne qazan ailarynda Kökşetau qalasynda aşyq auada ötedı. Ötkızu uaqyty men orny turaly tolyǧyraq aqparatty ortalyqtyŋ äleumettık jelılerınen bıluge bolady.
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz