Pavlodar oblysy, Şarbaqty audanynyŋ Jylybūlaq auylynda jergılıktı tūrǧyndar men qūqyq qorǧau qyzmetkerlerı arasynda atys bolyp, jaralanǧandar bar degen aqparat jettı.
Jylybūlaq auylynyŋ būrynǧy äkımı Meŋdıbai Meiırmanov būl aqparatty rastap, auylda atys bolǧanyn, jaralanǧandar bar ekenın aitty. SOBR jergılıktı tūrǧyndardyŋ kölıkterın atqan deidı. Auyldyŋ tūrǧyndaryna habarlasqanymyzda būl qaqtyǧystyŋ jaz boiy jalǧasyp kele jatqanyn aitty.
Jaqynda ǧana osy auyldyŋ jıgıtterı men köldıŋ investorlary arasynda töbeles bolǧan bolatyn. Maraldy kölınıŋ investory Däulet Asylov özınıŋ soqqyǧa jyǧylǧanyn respublikalyq BAQ-na mälımdegen.
Maraldydaǧy jaǧdaidy "Adyrna" ūlttyq portaly öz baqylauynda ūstaityn bolady. Oqys oqiǧa turaly uaqytyly habarlap otyratyn bolamyz.
"Adyrna" ūlttyq portaly
