Jambyl oblysynda tūrǧyn üi sertifikattary üşın 3,2 miliard teŋge qarastyrylmaq, dep habarlaidy oblys äkımdıgınıŋ baspasöz qyzmetı. Būl turaly oblys äkımı Asqar Myrzahmetovtyŋ töraǧalyǧymen ötken jiynda jan-jaqty aitylyp, talqylandy.
Kün tärtıbındegı mäsele boiynşa oblys äkımdıgınıŋ qūrylys basqarmasynyŋ basşysy Jaiyqbai Şaldarov baiandama jasady. Basqarma basşysynyŋ aituynşa, sertifikattar jaŋa üiler boiynşa ǧana emes, sonymen qatar äleumettık kömek retınde qaitarymsyz jäne äleumettık qoldau retınde iaǧni qaitarymdy biudjettık kredit retınde berıletının jetkızdı. Sertifikat mölşerı bastapqy jarnanyŋ bır bölıgı retınde 1 million teŋgege deiıngı qarjyny qūramaq. Būl baǧytta aǧymdaǧy jyly 3,2 miliard teŋge qarastyrylmaq.
Köpşılıktıŋ kökeiınde atalǧan äleumettık kömek pen qoldauǧa kımder ie bolmaq degen zaŋdy sūraq tuyndauy mümkın. Jaiyqbai Şaldarovtyŋ aituynşa, atalǧan sertifikat «Baqytty otbasy» jäne «7-20-25» baǧdarlamalary arqyly jüzege asady. Naqtyraq aitsaq, «Baqytty otbasy» baǧdarlamasy boiynşa mügedek balalary bar nemese olardy tärbieleuşi, «Altyn alqa», «Kümıs alqamen» nagradtalǧan nemese būryn "Batyr ana" ataǧyn alǧan, sondai-aq I jäne II därejelı "Ana daŋqy" ordenderımen nagradtalǧan köpbalaly analar, köpbalaly jäne tolyq emes otbasylar atalmyş jeŋıldıkke qol jetkıze almaq. Al, «7-20-25» baǧdarlamasy aiasynda tūrǧyn üi sertifikattary densaulyq saqtau, bılım beru, mädeniet, sport salalaryndaǧy jäne özge de basym salalardaǧy qajettı, tapşy mamandarǧa ülestırılmek. Aita keteiık, salalardaǧy qajettı mamandar QR Eŋbek jäne halyqty äleumettık qorǧau ministrınıŋ būiryǧymen bekıtılgen.
Basqarma basşysynyŋ aituynşa, qazırgı taŋda 262 päter daiyn tūr. Onyŋ 209-y 15-şı möltek audanyna, qalǧany Arai-2 şaǧyn audanyna tiesılı. Asqar İsabekūly atalǧan baǧdarlama arqyly üi alǧysy keletın ärbır sanattaǧy adamdardy anyqtap, jeke-jeke taldau jürgızu kerektıgın basa aitty. Sondai-aq, öŋır basşysy eŋ aldymen halyqtyŋ äleumettık osal toptaryn, äsırese, mügedek balalary bar otbasylardy, köpbalaly analardy qoldaudyŋ maŋyzdylyǧyn basa aitty.
Basqosu barysynda «Nūrly jer» baidarlamasy boiynşa öŋırde salynyp jatqan tūrǧyn üiler, köpbalaly jäne az qamtylǧan otbasylarǧa arnalǧan jataqhanalar jaiy, jeke tūrǧyn salu üşın jer telımderıne beru mäselelerı qaraldy. Jiyn qorytyndysymen jauapty tūlǧalarǧa naqty tapsyrmalar berılıp, mındetter jükteldı.
"Adyrna" ūlttyq portaly
