Biyl Türkıstan oblysynda jūmyspen qamtu şaralary qarqyndy jürgızılude. Oǧan qosa, 2024 jyly 140,2 myŋ tūrǧyndy jūmyspen qamtu şaralaryn ıske asyru qolǧa alynuda. Oblys äkımı Darhan Satybaldymen bekıtılgen «Öŋırlık jūmyspen qamtu kartasy» aiasynda 118,9 myŋ jūmys ornyn aşu közdelude. Al, öŋırlık karta aiasynda 74,1 myŋ adamǧa tūraqty jūmysqa ornalasu mümkındıgı berıledı.
Bügınde Öŋırlık karta boiynşa 45 197 jūmys oryndary aşylyp, onyŋ ışınde 15 289 oryn tūraqty. Būl rette, Memleket basşysynyŋ tapsyrmasy negızınde 10 myŋ tūrǧynǧa 100 jūmys orny baǧdarlamasy arqyly 4 345 tūraqty jūmys orny aşyldy. Sonymen qatar, Ūlttyq jobalar boiynşa 3671 jūmys oryndaryn aşu josparlanyp, naqty 87 joba arqyly 610 jūmys orny aşyldy.
Jalpy oblys kölemınde 43,3 myŋ adamdy bos jäne jaŋa jūmys oryndaryna joldau josparlanyp, bügınde 10 myŋnan astam adam jūmysqa ornalasty. Al, 43,2 myŋ adamdy uaqytşa jūmys oryndaryna joldau közdelıp, naqty 20,5 myŋ adam subsidiialanǧan uaqytşa jūmys oryndaryna ornalasty.
Aita keteiık, Türkıstan oblysynda käsıpkerlıkke bırqatar qoldaular körsetılıp keledı. Oǧan dälel 2024 jyly 7,2 myŋ adamǧa käsıpkerlık bastamalaryna grant jäne şaǧyn nesie beru jūmystary qarastyryluda. Onyŋ ışınde äleumettık osal toptaǧy azamattar arasynan 1 793 adamǧa biznes-ideiasyn damytuǧa granttar beru, «Auyl amanaty» jobasy boiynşa 4 803 jaŋa jūmys oryndaryn aşu, 621 jas käsıpkerlerge 2,5 paiyzben 5 mln. teŋge jeŋıldetılgen şaǧyn nesie beru közdelude. Būl baǧytta jūmystar jalǧasuda.
Türkıstan oblysy äkımınıŋ baspasöz qyzmetı
