Aqtau qalasynda 11-16 mamyr künderı sporttyq jäne jauyngerlık sambodan kadetter, jasöspırımder, jastar jäne şeberler arasynda Aziia jäne Mūhit jaǧalauy elderı chempionaty öttı. Alǧaş ret jalauy türılgen jarysqa 25 elden 500-ge juyq sportşy kelıp, baq synap, özara şeberlıkterın baiqady. Bes kün boiy sportşylar 62 salmaq därejesınde jeŋımpazdardy anyqtady.
Sary qūrlyq elderı arasyndaǧy dübırlı bäsekeden Türkıstan oblysynyŋ sportşylary da bos kelmedı. Tartysty jekpe-jekter nätijesınde 58 kelıde öner körsetken Erkebūlan Ahatov, 72 kelıde Aqbota Qydyrälı altyn medl aldy. 80 kelıde Ūlbosyn Adilova myqtylyǧyn däleldep, altyn medal ielendı. Kezektı jeŋısıne qol jetkızgen Äbdısalan Nūrmahanov atyndaǧy oblystyq ORMBJSM şäkırtın bılıktı bapker Möldır Beisembaeva baptaidy.
Al 71 kelıde Nūrbek Nūrbaev pen 98 kelıde Almas Temırbai kümıske qol jetkızdı. Sondai-aq 44 kelıde Aqjıbek Ūzaqbaeva, 54 kelıde Gülnaz Ömırbek, 72 kelıde Adina Abaqova, 98 kelıde Nūrhan Jamalhan qolaǧa qol jetkızdı.
3 künge sozylǧan dübırlı dodada Qazaqstan qūramasynyŋ jas samboşylary 32 altyn, 23 kümıs jäne 42 qola jüldemen jalpykomandalyq esepte bırınşı orynǧa ie boldy. Osyndai alamanda Oblys mereiın asyrǧan samboşylardy täjıribelı jattyqtyruşylar Äbdısadyq Halilaev, Qanat Arǧynbaevtar jan-jaqty daiyndap baryp, joǧary därejede öner körsettı.
Qosa keteiık, sambo küresınıŋ sport şeberlerı men qūrmettı ardagerlerınıŋ arasynda da tartysqa toly jekpe-jekter öttı. Öz jas jäne öz salmaq därejesıne qarai Türkıstan qalasynan M-1 saiysynda Nyşanbai Qūdaibergenov (Türkıstan qalalyq № 1 balalar men jasöspırımder sport mektebınıŋ direktory) bırınşı oryn ielense, M-4 därejesınde Türkıstan qalalyq mäslihatynyŋ töraǧasy Ǧappar Särsenbaev bırınşı oryndy qanjyǧasyna bailady. Sondai-aq Qoja Ahmet Iаsaui atyndaǧy HQTU-dyŋ professory, sambo küresınen älemnıŋ 5 dürkın chempiony Äbdısadyq Halilaev M-7 därejesı boiynşa bırınşı oryndy ielendı.
Türkıstan oblysy äkımınıŋ baspasöz qyzmetı
