Şymkent qalasynyŋ tūrǧyndary Memleket basşysynyŋ ekologiialyq mädeniettı qalyptastyru jönındegı bastamasyna jan-jaqty qoldau körsetıp keledı. Mūny tūrǧyndardyŋ «Taza Qazaqstan» ekologiialyq baǧdarlamasy aiasynda ötıp jatqan ıs-şaralarǧa belsendı türde qatysuynan da baiqauǧa bolady.
Mäselen, bügın Qaratau audanyndaǧy Qaitpas şaǧyn audanynda ötken «Taza köşe» atty ıs-şaraǧa jergılıktı tūrǧyndar, belsendı, erıktı jastar, «Jasyl el» jasaqtarynyŋ müşelerı jäne eŋbek ardagerlerı de belsendı türde qatysty.
Is-şaraǧa 120-dan astam audan tūrǧyndary, 8 tehnika jūmyldyrylyp, 18 tonna qoqys şyǧaryldy. Tazalyq şarasyna qatysuşylar Almaty tas joly men Q.Tölemetov köşesınıŋ boiynda kül-qoqystardy tazalap, jol jiekterındegı qatty qaldyqtar men plasmas qaldyqtardy (paket, baklajka, qaǧaz jäne t.b) retke keltırıp şyqty.
«Taza Qazaqstan» ekologiialyq baǧdarlamasy tūrǧyndardy, äsırese, jastardy ainalamyzdyŋ taza boluyn saqtauǧa öz ülesın qosuǧa şaqyrady. Qorşaǧan ortany, tabiǧatty qorǧau – barşamyzǧa ortaq mındet. Sondyqtan Şymkent qalasynyŋ jastaryn osy igılıktı şaraǧa üles qosuǧa şaqyramyn», - deidı «Jasyl el» ştabynyŋ Qaratau audany boiynşa üilestıruşısı Nūrlyislam Quanyş.
Aita keteiık, tazalyq şaralary Şymkent qalasynyŋ barlyq audandarynda jappai ötkızılude jäne qoqystar jinalyp, tazalyqty saqtau, jalpy qorşaǧan ortaǧa ūqypty qarau yqpal etıp keledı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz