Mysaly, Selinograd audanynda ūlttyq joba aiasynda 16 alǧaşqy medisinalyq-sanitarlyq kömek mekemesın salu josparlanǧan. Būl nysandardy aşu künnen künge tez damyp kele jatqan elordalyq aimaqtyŋ tūrǧyndaryna öz eldı mekenderınen tys jerlerge şyqpai-aq sapaly medisinalyq kömek aluyna mümkındık beredı.
Audan äkımdıgınen atap ötkendei, jaqyn arada Mänşük, Qaramendı batyr, Razdolnoe, Ötemıs auyldarynyŋ tūrǧyndary alysqa barmai aq, medisinalyq kömek ala alady. Merdıgerler jūmystyŋ 35-45 paiyzyn oryndady: qabyrǧalardy qalau, ışkı qabyrǧalardy sylau jūmystary aiaqtaldy, parapetter men jeldetu şahtalaryn ornatu bastaldy, şatyrdy ornatuǧa daiyndyq jūmystary jürgızılıp jatyr.
Sonymen qatar, Selinograd audanynda Nūresıl, Araily, Yntymaq, Prirechnoe, Orazaq, Tönkerıs, Jaŋǧyzqūdyq auyldarynda därıgerlık ambulatoriialar men feldşerlık-akuşerlık punktterdıŋ qūrylysy qarqyn alǧan. Keibır qūrylys alaŋdarynda şūŋqyrlardy qazu jäne qaita toltyru, qūrylysqa negızdı tegısteu jūmystary jürgızılude, basqalarynda armaturasy bar ǧimarattardyŋ ırgetastary ornatyldy, kärız jäne su qūbyrlary töseldı, syrtqy jäne ışkı injenerlık jelılerdı ornatu jūmystary bastaldy.
Oblystyq ışkı saiasat basqarmasynyŋ mälımetınşe, biyl barlyǧy 11 nysandy tapsyru josparlanuda.
Zerendı audanynda «Auyldyq densaulyq saqtaudy jaŋǧyrtu» ūlttyq jobasy boiynşa taǧy bırneşe medisinalyq ūiymdar salynuda. Aidabol auylynda qūrylysşylar jaŋa därıgerlık ambulatoriia salyp jatyr. Audan äkımdıgınıŋ mälımetınşe, joba boiynşa nauqastardy qabyldauǧa arnalǧan üş mamandandyrylǧan üi-jai ornalasqan bır qabatty ǧimarat saludy qarastyrylǧan. İnjenerlık jelılerdı ambulatoriiaǧa jetkızu üşın qarajat böluge biudjettık ötınım joldandy.
«Jaŋa nysandar auyl tūrǧyndary üşın medisinalyq qyzmetterdıŋ qoljetımdılıgın jaqsartuǧa mümkındık beretını sözsız», – dep atap öttı audan äkımdıgınıŋ baspasöz qyzmetı.Al Zerendı audany Mälık Ǧabdullin auylynda feldşerlık-akuşerlık punkttıŋ qūrylysy bastaldy. Sonymen qatar injenerlık jelılerdı saluǧa tender ötkızıledı. Audan äkımdıgınıŋ mälımetınşe, qazır qūrylys alaŋynda jer telımın äzırleu jūmystary jürgızılude. Joba boiynşa 360 şarşy metrlık bır qabatty FAP ǧimaratynda feldşerlık kabinet, zerthanalar jäne basqa da üi-jailar bolady. Jaŋa ǧimaratta bes jüzge juyq auyl tūrǧyndary barlyq qajettı qyzmetterdı, sonyŋ ışınde fizioterapiiany ala alady.
«Būl şaralardyŋ barlyǧy Aqmola oblysynda densaulyq saqtau infraqūrylymyn jaŋǧyrtuǧa jäne medisinalyq qyzmet körsetu sapasyn arttyruǧa baǧyttalǧan. Al būl öz kezegınde tūrǧyndardyŋ densaulyǧy men äl – auqatyn jaqsartuǧa septıgın tigızedı», - dep atap öttı oblystyq ışkı saiasat basqarmasynan.
