Bırjan Nūrymbetov eŋbek jäne halyqty äleumettık qorǧau ministrı bolyp taǧaiyndaldy, dep habarlaidy
Aqorda.
"Bırjan Bidaibekūly Nūrymbetov Qazaqstan Respublikasynyŋ eŋbek jäne halyqty äleumettık qorǧau ministrı bolyp taǧaiyndalsyn", - delıngen jarlyqta.
Būǧan deiın eŋbek jäne halyqty äleumettık qorǧau ministrlıgın Berdıbek Saparbaev basqarǧan bolatyn.
Bırjan Nūrymbetov turaly ne bılemız?
Bırjan Nūrymbetov 1968 jyly 19 nauryzda Jambyl oblysy Lugovoi audany Abai auylynda tuǧan.
Äl-Farabi atyndaǧy Qazaq memlekettık ūlttyq universitetınıŋ "Mehanika jäne qoldanbaly matematika" fakultetın, sondai-aq, Almaty ekonomika jäne statistika akademiiasynyŋ "Qarjy" fakultetın tämamdaǧan.
Eŋbek ötılı
1993-1996 jyldary – Jambyl qalasy salyq inspeksiiasy bölımınıŋ basşysy, salyq inspektory;
1996 jyly – Jambyl oblysy äkımı bırınşı orynbasarynyŋ keŋesşısı;
1997 jyly – Jambyl oblysy äkımı apparatynyŋ sektor meŋgeruşısı;
1997-2008 jyldary – "Memlekettık zeinetaqy töleu ortalyǧy" Jambyl oblystyq filialynyŋ direktory;
2008-2009 jyldary – Eŋbek jäne halyqty äleumettık qorǧau ministrlıgı baqylau jäne äleumettık qorǧau komitetınıŋ töraǧasy;
2009-2012 jyldary – eŋbek jäne halyqty äleumettık qorǧau vise-ministrı;
2012-2015 jyldary – premer-ministr keŋsesı basşysynyŋ orynbasary;
2015-2017 jyldary – densaulyq saqtau jäne äleumettık damu vise-ministrı;
2017 jyldyŋ qaŋtarynan 2017 jyldyŋ qaraşasyna deiın – eŋbek jäne halyqty äleumettık qorǧau vise-ministrı;
2017 jyldyŋ qaraşasynan Qazaqstan käsıpodaqtary federasiiasy töraǧasynyŋ bırınşı orynbasary qyzmetın atqardy.
Otbasy
Üilengen, äielı Aijan Särsenbekqyzy Ospanova. Balalary Saǧi Nūrymbet jäne Sanjar Bidaibek.
