Qaraǧandy oblysynyŋ tūrǧyndary "Taza Qazaqstan" respublikalyq ekologiialyq aksiiasyn qoldap, şaraǧa belsendı türde atsalysyp jatyr. Onynşy qyrküiekte Saran jastary bögettıŋ janyndaǧy su qoimasynyŋ jaǧalauyn qoqystan tazartty.
"Jastar taza Qazaqstan üşın!" ekoaksiiasyna 100 qala tūrǧyny qatysty.
– Biyl bızdıŋ süiıktı qalamyzǧa 70 jyl tolady. Bız, jastar, Sarandy odan da taza jäne ädemı etkımız keledı. Qala men eldıŋ bolaşaǧy üşın jauapkerşılıktı öz moinymyzǧa aluǧa daiynbyz. Bız ünemı ekoaksiialarǧa qatysamyz. Jaz boiy "Jasyl el" eŋbek jasaqtary jūmys ıstedı. Barşany qorşaǧan ortanyŋ tazalyǧyn saqtauǧa nemqūraily qaramauǧa şaqyramyz. Bolaşaqta ekologiianyŋ jaqsy boluy bızge bailanysty, – deidı Saran Jastar resurstyq ortalyǧynyŋ basşysy Sändı Aqanova.
Säuır aiynyŋ basynda Memleket basşysynyŋ bastamasymen "Taza Qazaqstan" respublikalyq aksiiasyn qazaqstandyqtar bır auyzdan qoldady. Osylaişa, Saranda būl şaraǧa 360 ūjym, 12 myŋnan astam tūrǧyn qatysty. 14 myŋ tonna qaldyq şyǧaryldy. Saiabaqtar men gülzarlar qoqystan tazartyldy, türlı aǧaştardyŋ 3 myŋnan astam köşetterı egıldı, tarihi jäne mädeni eskertkışterdıŋ maŋy jinaldy.
Aimaqta ekologiialyq aksiialar odan ärı jalǧasady. Mındet – oblystyŋ är būryşyn qamtu, qalalar men auyldardy taza ärı jaily etu.
