Ötken jyldyŋ şılde aiynan bastap elımızde «7-20-25» tūrǧyn üi baǧdarlamasy jüzege asyryluda. Onyŋ şarttary köptegen azamattarǧa tūrǧyn üi satyp aluǧa mümkındık beredı, öitkenı kredit boiynşa syiaqy mölşerlemesı jyldyq 7% – dy, al bastapqy jarna - 20% - dy qūraidy. Jalǧa alu merzımı -25 jylǧa deiın.
Baǧdarlamalarynyŋ erekşelıkterı men şarttary turaly «Baspana» İpotekalyq ūiymnyŋ, tūrǧyn üi-kommunaldyq şaruaşylyq bölımınıŋ jäne Semei qalasynyŋ tūrǧyn üi qūrylys Jinaq bankı ökılderı arnaiy ūiymdastyrylǧan baspasöz mäslihatynda mälımdedı.
Brifingte baǧdarlamaǧa kez-kelgen azamat niet bıldıre alady. Bıraq onyŋ jeke baspanasy men ötelmegen ipotekalyq qaryzy bolmauy kerek. Sondai-aq, ai saiynǧy jalaqysy boluy kajet.
Aǧymdaǧy jyldyŋ mamyr aiynda Ūlttyq bank baǧdarlamaǧa tölem qabıletı bar halyqty qamtudy keŋeituge mümkındık beretın özgerıster engızdı. Atap aitqanda, qaryz aluşynyŋ bastapqy jarnany 20% - dan artyq engızuge jol berıledı. Osylaişa, negızgı boryş pen bankterdıŋ qaryz aluşynyŋ tölem qabılettılıgıne qoiylatyn talaptary tömendeidı. Osy jyldyŋ basynan bastap baǧdarlamaǧa qatysuşylar «Nūrly jer» tūrǧyn üi qūrylysy baǧdarlamasy aiasynda salynǧan kredittık tūrǧyn üi aluǧa ümıtker bola alady.
Kezdesude köpbalaly otbasylar, mümkındıgı şekteulı balalardy tärbielep otyrǧan otbasylar jäne kämeletke tolmaǧan balalary bar tolyq emes otbasylar qatysa alatyn «Baqytty otbasy» baǧdarlamasy turaly da berıldı. Olar üşın nesie somasynyŋ 10% mölşerınde bastapqy jarna bolǧan jaǧdaida jyldyq 2% stavka boiynşa berıledı. Jalǧa alu merzımı-20 jylǧa deiın.
- Osy baǧdarlamanyŋ kömegımen otbasylar jaŋa päterlerdı jäne jeke üilerdı satyp ala alady. Nūr-Sūltan, Almaty, Atyrau, Aqtau, Şymkent qalalarynda qaryzdyŋ eŋ joǧary somasy 15 mln teŋgenı qūraidy. Qalǧan öŋırlerde-10 mln teŋgege deiın. Osy baǧdarlamaǧa qatysuşylar üşın taǧy bır maŋyzdy mäsele-jergılıktı äkımdık otbasynyŋ talap etıletın sanat boiynşa tūrǧyn üige kezekte tūrǧanyn rastaidy. Äkımdıkten joldamany kredittık ötınım bergenge deiın alu kerek, - dep tüsındırdı TÜKŞ bölımı basşysynyŋ orynbasary Diana Şaiahmetova.
"Adyrna" ūlttyq portaly
