Qazaqstannyŋ tükpır-tükpırınen kelgen 200-den astam belsendı äiel «AMANAT» partiiasy Äielder qanaty «Tomiris» äielder saiasi köşbasşylyǧy jobasy aiasynda ūiymdastyrylǧan oqu kurstaryna qatysty. Bügın Mäjılıs Spikerı, «AMANAT» partiiasynyŋ Töraǧasy Erlan Qoşanov olarmen kezdesu ötkızdı. Is-şara barysynda Qazaqstanda atom elektr stansiiasyn salu boiynşa 6 qazanda ötetın referendum men Prezident Joldauynyŋ jüzege asyrylu barysy talqylandy.
Is-şarany aşqan Erlan Qoşanov Memleket basşysy Qasym-Jomart Toqaev äielder qoǧam ömırıne jäne eldıŋ jan-jaqty damuyna zor ülesı qosatynyn ärdaiym aityp kele jatqanyn atap öttı. Sondai-aq Mäjılıs Töraǧasy genderlık teŋdıktı qamtamasyz etu, äielderdıŋ qūqyǧyn qorǧau jäne otbasy qūndylyqtaryn nyǧaitu Prezident pen «AMANAT» partiiasynyŋ basty nazarynda ekenın aitty.
Ol Äielder qanaty bır jarym jylda«AMANAT» partiiasynyŋ qozǧauşy küşterınıŋ bırıne ainalǧanyn atap öttı. Mäselen, Äielder qanatynyŋ alǧaşqy forumynda otbasylyq-tūrmystyq zorlyq-zombylyq mäselesı talqylandy, Parlament tiıstı zaŋ qabyldap, ol jaqynda küşıne endı. Sonymen qatar halyqtyŋ qaryz jüktemesın azaitu, qūmar oiyndarǧa qarsy küres turaly jaŋa zaŋdar küşıne enıp, būl mäseleler de Äielder qanaty müşelerınıŋ bastamasymen köterıldı.
Kezdesuge qatysuşylar elımızdegı eŋ maŋyzdy oqiǧalardyŋ bırı – Memleket basşysynyŋ Joldauyn da talqylady. «AMANAT» partiiasynyŋ Töraǧasy är Joldau – būl halyqtyŋ qajettılıgı men sūranysyna negızdelgen naqty ıs-qimyl jiyntyǧy ekenın mälımdedı. Sonyŋ bırı – soŋǧy jyldary halyq pen biznes qatty sezınıp otyrǧan energiia tapşylyǧy mäselesı. Osyǧan bailanysty, AES qūrylysy elımızdıŋ energetikalyq qauıpsızdıgı mäselesın şeşıp, onyŋ aldaǧy ekonomikalyq damuyn qamtamasyz etuge tiıs.
Erlan Qoşanov bügınde AES ideiasynaqazaqstandyqtardyŋ basym bölıgı qoldau bıldırgenı maŋyzdy ekenın atap öttı. Sondyqtan partiialar men jetekşı qoǧamdyq ūiymdar AES saludy qoldau jönındegı Halyqtyq ştabqa bırıktı. Osy künı Halyqtyq ştab müşelerı öŋırlerdı aralap, tūrǧyndarmen kezdesude. Qazırdıŋ özınde halyq tarapynan beibıt atom ideiasyna ülken qoldau baiqalady. Mäjılıs Spikerı azamattar AES-ke balama joq ekenın tüsınıp, būl taǧdyrşeştı mäselede olardyŋ dauysy şeşuşı röl atqaratynyna senım bıldırdı.
«Bügın bız eldıŋ odan ärı damuyna äser etetın barlyq maŋyzdy şeşımder halyqpen bırge qabyldanyp jatqanyn körıp otyrmyz. Jaŋa saiasi mädeniettıŋ mänı osynda. Bız barlyǧymyz bırge jaŋartylǧan Konstitusiia üşın dauys berdık. Qazır halyq qabyldaǧan şeşımnıŋ dūrys bolǧanyn körıp otyrmyz. Būl joly da bırlesıp, elımızdıŋ progressivtı damuyna taǧy bır batyl qadam jasauymyz kerek. 6 qazanda bız batyl şeşım qabyldap, AES qūrylysyna dauys beruımız kerek», – dedı ol.
Öz kezegınde Iаdrolyq fizika institutynyŋ ǧylymi hatşysy Karlyǧaş Mūnasbaeva jäne Iаdrolyq fizika institutynyŋ iadrolyq jäne fizikalyq qauıpsızdık oqu ortalyǧynyŋ bastyǧy Natalia İzmailova qauıpsızdık jäne ekologiialyq talaptarǧa säikes keletın soŋǧy jetıstıkter men äzırlemelerdı paidalana otyryp, AES saludyŋperspektivasy turaly aitty. Al Jetısu oblysy Sarqan auylynan kelgen käsıpker Kenjetai Tazabekova AES qūrylysy boiynşa referendum ötkızu – «Halyq ünıne qūlaq asatyn memleket» tūjyrymdamasyn jüzege asyrudyŋ aiqyn körınısı ekenın atap öttı.
Partiia Töraǧasy qazır käsıbi mamandardyŋ däleldı sözderı kümänşıl adamdar men synşylardyŋ pıkırınen basym tüsıp, atom energiiasyna qatysty halyqtyŋ qorqynyşy men üreiın seiıltuı öte maŋyzdy ekenın atap öttı.
Kezdesu soŋynda partiianyŋ Äielder qanatynyŋ müşelerı AES qūrylysyna qoldau bıldırıp, barşa qazaqstandyqtardy referendumǧa belsendı türde qatysuǧa şaqyrdy.
