27 million teŋge ūrlady degen küdıkke ılıngen qazaqstandyq äiel Türkiiadan ekstradisiialandy. Būl turaly bügın, 16 qyrküiekte Bas prokuraturanyŋ baspasöz qyzmetı jazdy, dep habarlaidy «Adyrna» tılşısı.
Küdıktını qolǧa tüsıruge İnterpol men Türkiiadaǧy Qazaqstan elşılıgı kömek bergen.
«Äiel 2022-2023 jyldar aralyǧynda Almaty qalasyndaǧy kommersiialyq ūiymnyŋ buhgalterı bola otyryp, tölem tapsyrmalaryna jalǧan mälımetter engızu arqyly özıne senıp tapsyrylǧan 27 million teŋgege juyq aqşany zaŋsyz iemdengen. Qylmys jasaǧannan keiın küdıktı jasyrynǧan, oǧan halyqaralyq ızdeuge jariialanǧan», - dep jazady prokuratura.
2024 jyldyŋ tamyz aiynda äiel Türkiiada ūstalyp, keiın qazaqstandyq qūqyq qorǧau qyzmetkerlerıne tapsyryldy. Qazır ol Astanadaǧy tergeu abaqtysynda. Ol 7 jyldan 12 jylǧa deiın bas bostandyǧynan aiyrylyp, mülkı tärkılenuı mümkın.
