Memleket basşysy Qasym-Jomart Toqaevtyŋ şaqyruymen Germaniianyŋ federaldy kanslerı Olaf Şols Qazaqstanǧa resmi saparmen keldı. Būl turaly bügın, 16 qyrküiekte Aqordanyŋ baspasöz qyzmetı jazdy, dep habarlaidy «Adyrna» tılşısı
Qasym-Jomart Toqaev Olaf Şolske rizaşylyǧyn bıldırdı.
«Germaniia ükımetınıŋ basşysy soŋǧy 14 jylda elımızge alǧaş ret saparmen kelıp otyr. Sondyqtan būl qadamyŋyzdyŋ tarihi mänı zor. Ekıjaqty yntymaqtastyqty damytuǧa jäne tauar ainalymynyŋ kölemın ūlǧaituǧa tyŋ serpın beremız dep senemın. Germaniia – bızdıŋ Europadaǧy, tıptı jahandaǧy negızgı serıktesımız. Būl – öte maŋyzdy. Bız qarqyndy damyp kele jatqan köpqyrly yqpaldastyǧymyzǧa basa män beremız. Özara bailanystarymyzdy odan ärı tereŋdetuge jäne nyǧaituǧa barlyq jaǧdaidy jasaimyz, – dedı ol.
Germaniia kanslerı Olaf Şols qonaqjailyq tanytqany üşın Qazaqstan prezidentıne alǧys aityp, qazaq-german qarym-qatynastaryn örkendetudıŋ maŋyzdy ekenın jetkızdı.
– Elıŋızge saparmen keluge şaqyrǧanyŋyzǧa, ekıjaqty bailanystardy talqylauǧa jäne yntymaqtastyǧymyzdy ılgerıletuge mümkındık jasaǧanyŋyzǧa rizaşylyǧymdy bıldıremın. Menımen bırge ısker toptardyŋ beldı ökılderı keldı, – dedı federaldyq kansler.
Äŋgımelesu barysynda ekı eldıŋ saiasi, sauda-ekonomikalyq, mädeni-gumanitarlyq bailanystaryn nyǧaitu mäselesı talqylandy. Atap aitqanda, energetika, «jasyl» transformasiia, önerkäsıp, tau-ken öndırısı, kölık-logistika, klimattyŋ özgeruı, ekologiia, auyl şaruaşylyǧy jäne bılım beru salalaryndaǧy yqpaldastyqqa airyqşa män berıldı.
