Memleket basşysy Qasym-Jomart Toqaev Germaniianyŋ federaldyq basşysy Olaf Şolspen kezdesu barysynda Ukraina men Resei arasyndaǧy şielenıske qatysty pıkır bıldırdı, dep habarlaidy «Adyrna» tılşısı.
«Äskeri tūrǧyda Reseidıŋ jeŋılmeitını anyq. Soǧys būdan ärı örşi berse, barşa adamzatqa, eŋ aldymen, Resei-Ukraina qaqtyǧysyna tıkelei qatysy bar memleketterge saldary öte auyr tiedı. Ökınışke qarai, Ystanbūl kelısımın bekıtuden bas tartyp, tatulasuǧa qol jetkızetın oŋtaily mümkındıktı uystan şyǧaryp aldy. Degenmen beibıtşılık ornatuǧa älı de mümkındık bar. Türlı memleketterdıŋ barlyq beibıt bastamalaryn mūqiiat qarap, äskeri ıs-qimyldardy toqtatu turaly kelısımge kelu kerek. Sodan keiın territoriialyq mäselelerdı talqylaǧan jön. Bızdıŋşe, Qytai men Braziliianyŋ beibıtşılık jospary qoldauǧa tūrarlyq. Memleketter basşylary keledı, ketedı. Al halyq, äsırese körşıles halyqtar beibıt ärı bır-bırımen tüsınısıp ömır süruı kerek. Qazaqstannyŋ Reseimen dünie jüzı boiynşa qūrlyqtaǧy eŋ ūzyn şegendelgen şekarasy bar. Bızdıŋ elderımız arasyndaǧy yntymaqtastyq strategiialyq serıktestık pen odaqtastyq aiasynda damyp keledı. Qazaqstandyqtar ukrain halqy men onyŋ töl mädenietıne şynaiy qūrmetpen qaraidy. Qazaqstan men Ukraina arasynda eşqandai kelıspeuşılık bolǧan emes. Kievte elşılıgımız älı de jūmys ıstep jatyr»,–dedı prezident.
