Almaty qalasynyŋ qylmystyq ısterdı qaraityn mamandandyrylǧan audanaralyq sotynda atyşuly ıs boiynşa sot otyrysy bastaldy. Sottaluşylardyŋ arasynda Psihologiialyq sauyqtyru ortalyǧynyŋ (PSO) būrynǧy bölım meŋgeruşılerı, qūqyq qorǧau organdarynyŋ būrynǧy qyzmetkerlerı, notariustar, jyljymaityn mülık agentterı jäne residivist, jalpy sany 22 adam bar, dep habarlaidy «Adyrna» tılşısı orda.kz-ke sılteme jasap.
BAQ-tyŋ mälımetınşe, būl top psihikalyq auruy bar jalǧyzbasty adamdardy tauyp, olardyŋ mülıkterın iemdengen. Olar keibır nauqastardy qamauda ūstap, päterlerın özderıne jazyp, satyp jıberıp otyrǧan. Al keibıreuın tıptı öltırıp tastaǧan.
Qūqyq qorǧauşy, otbasylyq jäne mūragerlık qūqyq boiynşa maman Renat Qadyrov ūiymdasqan qylmystyq toptyŋ şamamen 10 jyl boiy psihikalyq auruy bar adamdardy ünemı tonap, olardyŋ bostandyǧyna qol sūǧyp, mülıkterın alyp otyrǧanyn mälımdedı.
«Qylmystyq top mūqiiat oilastyrylǧan shemany qoldandy. Olar ūrlaǧan psihikalyq auruy bar adamdardy zaŋsyz jyljymaityn mülık räsımdeu üşın paidalanǧan. Qylmystyq top jyljymaityn mülıktı jalǧan tūlǧalarǧa räsımdeumen öz ısterın jasyryp, qylmystyq äreketterın zaŋdastyrdy. Būl olarǧa qūqyq qorǧau organdarynyŋ küdıgın tudyrmai, mülıktı baqylap, iemdenuge mümkındık berdı»,—deidı maman.
Aita keteiık, qylmystyq ıs 2022 jyldyŋ qaraşa aiynda qozǧaldy. Tergeu 37 epizodty bölıp körsettı, olardyŋ köpşılıgı Almaty qalasyndaǧy tūrǧyn üilerdı zaŋsyz ielenuge qatysty alaiaqtyq turaly. «Kablukov köşesındegı psihiatriialyq auruhanasy» degen ataumen belgılı Psihologiialyq sauyqtyru ortalyǧynyŋ qyzmetkerlerı qylmystyq topqa klinikadaǧy jalǧyzbasty nauqastardy körsetıp bergen.
