Ūlttyq qauıpsızdık komitetı Qazaqstannyŋ üş ırı qalasynda jäne alty öŋırde ūiymdasqan qylmystyq topqa qarsy auqymdy operasiia ötkızdı. Onyŋ nätijesınde 50 adam ūstaldy, dep habarlaidy «Adyrna» tılşısı.
«18 qyrküiekte ŪQK, IIM jäne BP vedomstvoaralyq jedel-tergeu toby Astana, Almaty jäne Şymkent qalalarynda, sondai-aq Aqtöbe, Atyrau, Almaty, Jetısu, Batys Qazaqstan jäne Pavlodar oblystarynda tūraqty ūiymdasqan qylmystyq toptyŋ müşelerın ūstauǧa arnalǧan operasiia jürgızdı. Barlyǧy 50 adam ūstalyp, ışkı ıster organdaryna jetkızıldı. Tergeu amaldary jürgızılude»,–delıngen habarlamada.
Olar tauarlar men avtokölıkterdı asa ırı kölemde ūrlau arnasyn ūiymdastyrdy, sondai-aq ūiymdasqan qylmysty qarjylandyrdy dep küdıktelıp otyr. Sondai-aq 20-dan astam adamnyŋ senımıne kırıp, 2 milliard teŋgeden asa mülıktı tonaǧan.
Toptyŋ naqty ierarhiiasy men qatysuşylarynyŋ rölderınıŋ bölınuı bolǧan, olar qylmys pen destruktivtı dıni ortanyŋ ökılderınen, sonyŋ ışınde tüzeu mekemesınde jazasyn öteuşılerden qūralǧan.
«Tıntuler barysynda bank kartalary, ırı aqşa qarajaty, ekstremistık ädebietter, aqşa audarymdary jazylǧan jazbalar jäne tergeu üşın qyzyǧuşylyq tudyratyn özge de zattar tabyldy»,—dep tolyqtyrdy Ūlttyq qauıpsızdık komitetı.
https://youtu.be/EKc57Uizzfc?si=mgPyrYU-AUTWdJpm
