SERIK ELIKBAI. JAR-JAR

-Allo. Būl Nūrjan ba eken? -İä, men. -Maǧan sız turaly aityp edı.  Jaqsy bır tamada kerek. -Mıne qazır esıktıŋ aldyna şyǧamyn.  Adresımdı aittym.  Qazır jetemın. Ekeuı üidıŋ janyndaǧy « Nostalgiia » kafesıne kelıp kırdı. Syra aldy. Özı ışken joq. -Atym Asan. Özıŋ de körıp otyrsyŋ ǧoi jasym 35-te. Būǧan deiın bır ret üilendım.  Jetı jyl bırge tūrdyq. Bala bolmady. Jaman tūrǧan joqpyz. Bıraq şeşem qūlaq etımdı jep qoidy. Bala, bala dep. Aiaǧynda ajyrasyp tyndyq. Osy biyl, tamyz aiynda qazırgı üilenbek jaryma jolyqtym. Kelınıŋe. -Jeŋge deŋız. -Dūrys, dūrys saǧan jeŋge ǧoi. Jap – jas. Äp – ädemı. Şynyn aitu kerek. Bır biznesmen jıgıt aldap ketıptı. Men özım zauytta kezekşılık bastyǧymyn. Şükır aqşam jetedı. Al mynau aqşaly jıgıtter, qazaqtyŋ qazaqtyŋ baiyǧandary oŋbaǧan ǧoi. Tiyndary bar, aqşalary bar-arlary joq. Bır-aq künde, baiyǧan adamda ūiat bolmaidy ǧoi, bärı etpen terımen bırge kelgen ūrlyq, keŋes ökımetınen basyp qalǧan dünie... Būl süiekpen kelmegen soŋ solai bolady da. Bärımız de solaimyz. Şynyn aitaiyn, myna jeŋgeŋe ölıp ǧaşyqpyn. Būǧan ǧaşyq bolmau mümkın emes. Sondai ädemı. Mınezı ǧajap. Būndai mınez perıştege ǧana tän boluy kerek. Aseke, Aseke dep tūrady. Qai kezde körsem de tamaǧym daiar, kiımım juuyly. Eh, nesın aitasyŋ. Men özımdı baqytty sezınıp jürmın. Özıŋ de bır iman jüzdı bala ekensıŋ. Älı aǧa – bauyr bolyp aralasyp ketemız. Qūdai bıledı jeŋgeŋ eşkımdı jatsynbaidy. Sosyn taǧy bır aitarym, bolaşaq jarymnyŋ aiaǧy auyr bolyp keldı. Men aldyrtpadym. Kım bolsa da äkesı qazaq ǧoi. Nūrjan taŋ qaldy. İä, iä bıreuler öz balasynan qaşyp jatqanda myna jıgıttıktı. Naǧyz,erlık, naǧyz qazaqtyŋ jesırı men jetımın jatqa bermes bauyrlas mınez alp – alp basqan aǧalar – ai. Toi bolar kün de oŋai syrǧyp jettı. Qala ortasyndaǧy « Saryarqa » meiramhanasynda kısı tym köp eken. Asan ol, « jaqsy ötsın » dep aqşasyn aldyn – ala berıp tastady. Betaşardyŋ aqşasy da özıŋdıkı dep eskerttı. - Nūreke,  osy toida aianarym joq endı. Bır este qalardai qylyp ötkızşı. Muzykattaryŋdy, bişılerıŋdı de riza jasaimyn.  Qajet bolsa taǧy da aqşa beremın. Jetpese ait,  bauyrym. Asyqpas alaş jiylyp bolǧanda Nūrjan öleŋ joldaryn josylyp jöneldı. Tölegennıŋ « Bır toiymy » mynau eŋselı, saltanatty zalda saŋqyldai estılıp, elıtıp kettı. Jaŋǧyrtyp jar-jar...jandy aldy. - Atamyz küieu bolǧan, anamyz kelın bolǧan qazaqpyz. Ortaǧa kelın, kelsın. Asyqpai naiqala basqan kelınnıŋ sūlbasy Nūrjanǧa tanystai körındı. Betaşarǧa kerek tızımdı bır qarap şyqqan tamada dombyrasyn qūtyrta soǧyp, asqaq änmen... eskı jolmen tartty. Al aǧaiyn, qazaqtyŋ qasiettı qara dombyrasymen aq kelınnıŋ, päk kelınnıŋ betın aşamyn. Dombyra saǧaǧy jailap kelınnıŋ betın aşa berdı. Nūrjannyŋ aldynda Sänış tūr edı. İä, iä jaz boiy bırge jürgen, qyzyq uaqpen uaz keşken, özı biznesmenmın dep tanysqan Sänışı. Tanys köz tanys erın, tanys keude. Sänış sūr qabaqpen jirenıp qarap tūr eken. « Bıraq aiaǧym auyr » degen joq edı ǧoi... Sänış būǧan deiın tūrmysta boldy emes pe... Toi jaqsy öttı. Basqa eldı qaidam Asan qatty riza boldy. Toi soŋynda mas bop qaldy... Rahmet bauyrym, jıgıtsıŋ, üige kel. Men özıŋdei bauyr taptym degendı...qaitalap aita berdı... Aita berdı... Aita berdı...