«Men - donormyn» qaiyrymdylyq aksiiasy:  aqmolalyq 20 donor qan tapsyrdy

995
Adyrna.kz Telegram
https://adyrna.kz/content/uploads/2024/09/0c5170fb-b9d5-4eb1-a33a-40dfce213038-960x500.jpg?token=74c61c61155cfedd27fa068f906acc3e
Aqmola oblysy Işkı saiasat basqarmasynyŋ jäne Aqmola oblystyq Densulyq saqtau basqarmasynyŋ bastamasymen, öŋırlık Jastar-resurstyq ortalyǧy jäne Aqmola oblystyq Qan ortalyǧymen bırlese, «Men - donormyn» qaiyrymdylyq aksiiasyn ötkızdı. Is-şarany ötkızudıŋ basty maqsaty – adamdarǧa qan qoryn qūru qajettılıgı turaly habarlau jäne barlyq bei-jai qaramaityn adamdardy erıktı negızınde donor boluǧa şaqyru bolyp tabylady. Qan – adamdardyŋ densaulyǧynyŋ öte maŋyzdy elementı bolyp tabylady. Donorlyq qan är saǧat saiyn, minut saiyn qajet. Qanyŋyzdy bölısu degenımız bıreuge ömır süruge mümkındık beru. Donorlar 450 ml kölemınde qan tapsyrady, denı sau adamnyŋ denesı üşın būl kölemde qan tapsyru fiziologiialyq qauıp töndırmeidı, sonymen qatar qan ketu qaupı joq. Zertteu nätijelerı men sarapşylardyŋ täjıribesı donorlyqtyŋ adam densaulyǧyna öte paidaly ekenın körsetedı. Qaiyrymdylyqqa arnalǧan aksiiaǧa memlekettık qyzmtekerler, volonterler jäne barlyq niet bıldıruşıler qatysty.
«Qaiyrymdylyqqa arnalǧan aksiiaǧa Işkı saiasat basqarmasy, Bılım basqarmasy, özge de memlekettık qyzmetkerler jäne atalmyş basqarmalarǧa baǧynysty mekemeler qyzmterkerlerı, «Auyl jastary» jastar qanaty töraǧasy, oblystyq JRO qyzmetkerlerı, sondai-aq, barlyq niet bıldıruşıler qatysty. Jalpy aksiiaǧa 100-den asa qatysuǧa niet bıldırgen  ökılderınıŋ ışınen tek 20-sy ǧana donor bola aldy. Aita ketu kerek, atalmyş aksiia jyl saiyn jalǧasyn tabady» - deidı Aqmola oblystyq Jastar resurstyq ortalyǧynan.
Aksiiaǧa qatysuşylar aldyn ala qan tapsyru erejesımen tanysuǧa jäne aksiia bastalǧanǧa deiın nūsqaulyqtan ötuge mındettı. Ūiymdastyruşylar qatysuşylar üşın barlyq jaǧdailardy jasap, aksiianyŋ ötkızu kezınde olardyŋ qauıpsızdıgı men densaulyǧyna jauap beredı.
Pıkırler