Tarazda tazalyq jūmystary qarqyndy atqaryluda

Biyl 21 aqpanda qala äkımınıŋ №464 qaulysyna säikes, Taraz qalasy aumaǧynda köktemgı abattandyru jäne sanitarlyq tazalau jönındegı ekı ailyq jariialanǧan. Ailyq aiasynda qalada atqarylǧan oŋdy ıster az emes. Bekıtılgen ıs-şara josparyna säikes ūiymdastyrylǧan aptalyq senbılıkterge memlekettık jäne jeke nysandaǧy käsıporyndar, sonymen qatar qala tūrǧyndary atsalysyp, özderıne bekıtılgen aumaqtary boiynşa tazalyq jūmystaryn jürgızdı. Qala aumaǧyndaǧy köşeler men köpqabatty tūrǧyn üi aulalarynda qoqys qaldyqtary tazalanyp, şöbı şabyldy. Būl ıske tūraqty türde 35 dana tehnika men apta saiyn 5000-ǧa juyq adam küşı tartyldy. Nätijesınde barlyq aumaq boiynşa «Jasyl el – Taraz» JŞS şamamen 16 000 tonna tūrmystyq qatty qaldyqtardy arnaiy orynǧa şyǧardy. Sondai-aq 120 şaqyrymdy qūraityn aryq jüiesı tazalandy. Aula men köşe jaǧalarynda 1 600 000 şarşy metr şöp oryldy. Sonymen qatar qala boiynşa 78 köşenıŋ syrlanuy josparlansa, bügıngı taŋda 30 köşenıŋ boiynda ornalasqan 3152 dana baǧana syrlanyp, qalpyna keltırıldı. Sondai-aq körıktendıru jäne kögerıştendıru maqsatynda qala aumaǧynda ornalasqan gülzarlar men saiabaqtarda 60719 dana köp jyldyq jäne merzımdık gülder otyrǧyzyldy. Būǧan qosa arnaiy belgılengen jerlerge 6954 dana taldardyŋ köşetterı egıldı. Aqpannyŋ 15-ınen bastap qalalyq ışkı ıster basqarmasynyŋ qyzmetkerlerımen bırıgıp, okrug inspektorlary tarapynan tūrǧyndar arasynda tazalyqty saqtau boiynşa tüsındırme jūmystary jürgızılude. Jüielı jūmystyŋ nätijesınde köşe boiynda kezdeisoq qoqys pen inerttı qūrylys materialdaryn tastaǧan, qorşaǧan ortany lastaǧan 556 azamat anyqtalyp, 468 azamatqa eskertuler berılse, 88 tūrǧynǧa äkımşılık qūqyq būzuşylyq kodeksıne säikes hattama toltyryldy. Salynǧan aiyppūldar kölemı 1 595 239 teŋgenı qūrady. Byltyrǧy jylmen salystyrǧanda aiyppūl kölemı 6 esege artqan. Mäselen, ötken jyly köşege qoqys tastaǧan, ortaq paidalanatyn oryndardy lastaǧan 14 azamatqa aiyppūl salynsa, biyl jyl basynan bastap 88 azamat aiyppūl arqalady. Qazırgı taŋda qalanyŋ säulettık kelbetın saqtau maqsatynda jäne beibereket saudanyŋ aldyn alu üşın qala aumaǧynan zaŋsyz qoiylǧan 161 dana düŋgırşek anyqtalyp, 67 danasy alyndy. Äkımşılık qūqyq būzuşylyq kodeksıne säikes düŋgırşek ielerıne eskertuler jasalyndy. Sonymen qatar qalada tūrmystyq qatty qaldyqty tastauǧa arnalǧan 328 alaŋşa bar. Olar 1540 dana jäşıkpen qamtylǧan. Aitalyq, 2023 jyly qajettılıkke bailanysty 1120 dana qoqys jäşıgı satyp alynyp, eskırgen jäşıkter almastyryldy. Būǧan qosa qala aumaǧyndaǧy osy atalǧan alaŋşalarda polietilen qaldyqtardy jinau, şyǧaru, qaita öndeuge jıberu qyzmetımen qala boiynşa «Kaz Ecology» JŞS jäne JK «Bahyt» ainalysady. Bügıngı taŋda şahar aumaǧynda būl käsıpkerler tarapynan 620-ǧa juyq setkalyq jäşıkter ornatylǧan. Būdan bölek, Memleket basşysynyŋ tapsyrmasymen qolǧa alynǧan «Taza Qazaqstan» aksiiasy aiasynda oblysymyzda «Taza aula. Taza ölke. Taza el!» ekologiialyq nauqany bastau aldy. Auqymdy aksiianyŋ şeŋberınde är apta saiyn şaharda tazlyq jūmystary jürgızılıp, taldar egılude. Şaraǧa Taraz qalasynyŋ äkımı Baqytjan Orynbekov, ardagerler, erıktı jastarmen bırge qatysyp, aksiiaǧa öz ülesın qosuda. Būl jūmystardyŋ basty maqsattarynyŋ bırı – mekeme qyzmetkerlerınen bastap elge önege bolu arqyly halyqty ortaq ıske jūmyldyru. Sondyqtan tazalyq jūmystary älı de jalǧasyn tabady.