Elımızde Memleket basşysynyŋ bastamasymen qolǧa alynǧan «Jaily mektep» ūlttyq jobasy belsendı türde jüzege asyryluda. Bügın Selinograd audanyndaǧy Aqmol auylynda taǧy bır bılım ūiymy esıgın aiqara aşty.
Aşylu saltanatyna Aqmola oblysynyŋ äkımı Marat Ahmetjanov pen Qazaqstan Respublikasynyŋ oqu-aǧartu ministrı Ǧani Beisembaev qatysty.
Mektep auysymyna 1200 bala qabyldai alady. Mūnda 93 kabinet, onyŋ ışınde 4 informatika kabinetı, 7 mamandandyrylǧan kabinet, 2 sport zaly, ashana, kıtaphana, horeografiia kabinetterı bar.
Aqmola oblysynyŋ äkımı Marat Ahmetjanov mekteptıŋ aşyluymen qūttyqtap, jaŋa oqu jylynda oblysta 5 mektep aşylǧanyn, onyŋ törteuı «Jaily mektep» ūlttyq jobasy boiynşa salynǧanyn atap öttı.
Mektep auysymyna 1200 bala qabyldai alady. Mūnda 93 kabinet, onyŋ ışınde 4 informatika kabinetı, 7 mamandandyrylǧan kabinet, 2 sport zaly, ashana, kıtaphana, horeografiia kabinetterı bar.
Aqmola oblysynyŋ äkımı Marat Ahmetjanov mekteptıŋ aşyluymen qūttyqtap, jaŋa oqu jylynda oblysta 5 mektep aşylǧanyn, onyŋ törteuı «Jaily mektep» ūlttyq jobasy boiynşa salynǧanyn atap öttı.
«Joba mektepterdegı oryn tapşylyǧy mäselesın şeşıp, oquşylar men mūǧalımderge qolaily jaǧdai jasaidy. Belgılı bolǧandai, elordadan alys emes jerde ornalasqan Selinograd audanynda halyqtyŋ köşı-qony mäselesı būrynnan oryn alyp, demografiialyq körsetkışterdıŋ ösuıne bailanysty mektepterde oquşy oryndarynyŋ tapşylyǧy tuyndap otyr. Sondyqtan qūrylysty josparlau kezınde osy salaǧa köp köŋıl bölındı. Qabyldanǧan «Bırtūtas tärbie» baǧdarlamasy aiasynda ata-analarmen bırlesıp tiımdı profilaktikalyq jäne aqparattyq jūmystardy jalǧastyrumen qatar, balalardy oqytu men tärbieleuge qolaily jaǧdai jasau maŋyzdy», - dep atap öttı M.Ahmetjanov.Oquşylar men ūstazdar aldynda söz söilegen Bılım ministrı Ǧani Beisembaev Memleket basşysynyŋ bastamasymen qolǧa alynǧan «Jaily mektep» ūlttyq jobasynyŋ bılım sapasyn arttyru, qala men auyl mektepterınıŋ aiyrmaşylyǧyn teŋestırudegı maŋyzdylyǧyn atap öttı.
«Bılım sapasyn arttyruda basty röl pedagogikalyq ūjymǧa tiesılı. Byltyrdan berı elımızde «Bılım berudegı özgerısterdıŋ 1000 köşbasşysy» atty jaŋa formattaǧy ūstazdardy ırıkteu jäne daiarlau baǧdarlamasy jüzege asyryluda. Bügıngı taŋda 130-dan astam talapker jaily mektepterge direktor bolyp taǧaiyndaldy. Tärbie jūmysy basym baǧyt bolyp qala beredı», - dedı ministr.Sapar barysynda oblys äkımı men oqu-aǧartu ministrı mektep oquşylarynyŋ tamaqtanuyn ūiymdastyru men balalardyŋ qauıpsızdıgın qamtamasyz etudı tekserdı. Sonymen qatar, «Bırtūtas tärbie» baǧdarlamasy aiasynda jüzege asyrylyp jatqan ata-analarǧa pedagogikalyq qoldau körsetu ortalyǧy, Äkeler keŋesınıŋ kluby jäne «Danalyq mektebı» tanystyryldy. Olardyŋ aşyluy, eŋ aldymen, oŋ ata-ana tärbiesın damytuǧa, bala tärbiesınde mektep pen otbasynyŋ özara ärekettesuın nyǧaituǧa, patriotizmge baǧyttalǧan.
