Qazaqstandaǧy sailau uchaskelerı jūmysyn aiaqtady

Qazaqstandaǧy barlyq uchaskeler saǧat 20:00-de jabyldy, dep habarlaidy  «Adyrna» ūlttyq portaly. Saǧat 18:00-de referendumǧa elımızde 7 537 675 adam dauys berdı. Keluşıler sany 61,56 paiyzdy qūrady. Dauys beruşıler sany boiynşa köşbasşylardyŋ üştıgıne Qyzylorda oblysy - 79,87 paiyz, Türkıstan oblysy - 74,23 paiyz, ŞQO - 72,58 paiyz kırdı. Būǧan deiın SIM basşysynyŋ orynbasary Roman Vasilenko şet elderdegı uchaskelerde dauys beru boiynşa aldyn ala derekterdı aitqan bolatyn. Onyŋ aituynşa, şetelde referendumnyŋ 13 uchaskelık komissiiasy jūmysyn aiaqtap, 7358-den astam Qazaqstan azamaty dauys berdı. Qazaqstannan tys jerlerde 60 uchaske jūmysyn jalǧastyruda. Atap aitqanda, Ortalyq Aziia, Taiau jäne Taiau Şyǧys, Europa, Oŋtüstık Amerika jäne AQŞ elderınde. Referendum uchaskelerı Vaşington, Niu-Iork, San-Fransisko, Ottava jäne Braziliia qalalarynda jūmys ıstei bastady. San-Fransiskodaǧy taǧy bır sailau uchaske Astana uaqyty boiynşa saǧat 20:00-de aşyldy. ORK referendumǧa halyqtyŋ qatysu belsendılıgı boiynşa aldyn ala mälımettı saǧat 21.00-de jariialaidy.